Bandièra01 capçalera  1180x150: Botiga

Actualitats

TOP 14: Jornada 25. Quina performància de l'Union Begla-Bordèu

Briva quasiment condamnat

| Peter Dean
Begla-Bordèu hit la partida perfèita a l'exterior dab una bona mesclada e una grana eficacitat. Marquèren un ensai sus la lora purmèira accion e sustot acabèren lo tribalh dab un second ensai sus un turn over a la darrèira minuta. Lo bilanç d'aquèra partida a hòrt de consequéncias suu classament. Begla es sauvat mès Briva, qui devèva préner quate punts, es quasiment en Pro D2.
 
Per se sauvar, deven anar ganhar a Clarmont dens una setmana dab lo punt de bonus ofensiu. A véder las caras deus jogaires e deu public del País de Briva que serà impossible.
 
Sustot que dens lo medish temps l'Aviron Baionés ganhèt la soa purmèira partida de la sason dab lo punt de bonus ofensiu contra una còla d'Agen plan mobilizada. A la pausa, Baiona perdèt 6 a 7 après un increible ensai de Vaka. Mès en segonda tempsada dab una mesclada de las bonas, l'Aviron a podut marcar los ensais necessaris per esperar jogar en Top 14 en agost de 2012.
 
Dens la luta au manten Perpinhan muishèt qu'aquesta sason es complicada. An hèit lo minimum contra Lion e n'an pas podut préner lo cinc punts. Una gran generacion de jogaires es en fin de carrièra. I aurà tribalh peu futur entrenaire Marc Delpoux.
 
Biàrritz, eth, a prit un punt a Montpelhièr plan meritat. La des·hèita de Briva pòt adara perméter a Biàrritz de pensar a la finala de l'Amlin Cup contra Tolon.
 
Tolon dab una victòria 25 a 22 contra Tolosa es la sola còla deu Top 14 enqüèra qualificada sus dus competicions. Aquera partida èra intensa dab un purmèir miei temps on Tolosa sabut har parlar l'experiéncia. Mès Tolon, dab una segonda tempsada de gran qualitat, a podut ganhar la partida e non pas perder dens l'amira de jogar los barratges a Mayol. Tolosa, dab un punt de mei, es purmèir au classament mès lo bilanç de las cinc darrèiras jornadas n'es pas bon dab sonque dus victòrias.
 
Per acabar lo Racing ganhèt lo derbi qu'èra tamben un barratge per préner la sheisau e darrèira plaça qualificativa.
 

Los resultats:
 
Briva 9-23 Begla-Bordèu
Montpelhièr 21-16 Biàrritz (BD)
Baiona (BO) 31-10 Agen
Castras 30-19 Clarmont
Perpinhan 34-22 Lion
Tolon 25-22 Tolosa (BD)
Racing 19-13 Estadi francés (BD)


 
 EquipaPJGRPBBpBcDif
1Estadi Tolosenc 83 25 18 1 6 9 609 435 174
2ASMCA 82 25 18 2 5 6 587 350 237
3RC Tolon 69 25 13 5 7 7 552 388 164
4Montpelhièr HRC 66 25 14 1 10 8 588 485 103
5Castras O 65 25 13 4 8 5 554 493 61
6 Racing Métro 63 25 13 1 10 9 547 513 34
7 Estadi Francés 58 25 11 2 12 10 563 572 -9
8 USA Perpinhan 49 25 9 2 14 9 486 541 -55
9U Begla-Bordèu 49 25 11 0 14 5 456 590 -134
10SU Agen 48 25 11 1 13 2 454 551 -97
11Biàrritz OPB 48 25 9 2 14 8 408 513 -105
12Aviron Baionés 47 25 9 3 13 5 450 588 -138
13CA Briva 42 25 7 1 17 12 394 431 -37
14 Lion OU 31 25 5 3 17 5 364 562 -198



Eric Goyhenne

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article