Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaBearnPalés

Fèbus e las arts: la vita artistica e literària a la cort de Foish-Bearn


Jornada d'estudi au Musèu nacionau deu Castèth de Pau

Dimèrcs 9 de mai 2012 de nau òras e mieja deu matin a cinc òras deu vrèspre se debanarà a Pau ua jornada d'estudi de Gaston Fèbus, eretèr deus princis trobadors occitans, e la vita artistica e literària a la cort de Foish-Bearn.



Dens la vita de Fèbus, eretèr deus princis trobadors occitans e cap davantèr deus princis de la Renaishença e puish deu Rei Sorelh, las art qu'occupan ua plaça centrau autant per gost personau com per estrategia politica.
 Atau, la cort d'Ortès que rivaliza dab las de Berry, de Borgonha, d'Aragon o d'Avinhon. Dens l'euròpa d'aquera fin de sègle XIV, manuscrits, objèctes d'art mes tanben menestrèrs, compositors,... que circulan shens cès ni pausa d'ua cort a l'auta.
 

Aquera jornada d'estudis qu'amassarà especialistas de literatura, d'occitan, d'istòria de l'art e de musica, entà har lo bilanç de ço qui coneishem de la vita intellectuau a Ortès e presentà’n au gran public las illustracions principaus.

 
La Jornada qu'ei organizada en partenariat dab l'InÒc Aquitània e lo Conservatòri d'influéncia departamentau, classa de musica tradicionau.

Podètz teledescargar lo programa. Accès libre e a gratis, en fonccion de las plaças.



InÒc Aquitània

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article