Bandièra01 1180x150: Comuna de Tolosa

Actualitats

D’incidents a la finala de Roland Garros

Doas protèstas contra lo maridatge omosexual interrompèron la partida. Nadal a ganhat lo torneg per l’ochen còp

| BBCSport
La finala de tènis del Roland Garros entre lo malhorquin Rafael Nadal e lo valencian David Ferrer foguèt un pauc incidentada. Pendent lo segond sèt, los jogaires aguèron d’arrestar lo jòc a causa dels crits d’un grop de membres d’una plataforma contra lo maridatge omosexual en França. Dempuèi las grasas, exibissián una bandieròla en demandant la demission de Françoise Hollande e portavan de fuòcs de Bengala.
 
Foguèron expulsats, mas pauc après un autre individú sautèt sus la pista amb un fuòc de Bengala alucat, una masca e sens camiseta. Sus l’abdomèn èra escrich “Kids rights” (dreches dels enfants). Quand los membres de la seguretat del torneg lo fòrabandiguèron, la partida contunhèt.
 
Fin finala, Rafael Nadal a ganhat son ochen Roland Garros, après véncer David Ferrer per 6-3, 6-2 e 6-3.
 



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Halhèr Les
7.

#6 Qu'ei un grand espanholista e amic des deth PP. Totun que parle en catalan

  • 2
  • 0
Casa
6.

Nadal es pas que catalan per lo nom. Es un afogat de Diéu, dau Real Madrid e de la familha reiala, alara coma catalan ...

  • 5
  • 0
Chicun gonhafier masatge de La Galina
5.

Una finala 100% Païses Catalans !

  • 6
  • 1
Roergat Roergue ciutat
4.

Rolland Garròs NON, Pèir de Garròs ÒC !

Sustot qu'aquel autor occitan gascon es gaire conoissut... e ieu regardar una bala jauna passar d'una raqueta a l'autra, m'interèssa mens que la lectura.

  • 7
  • 1
Joan-Maria
3.

Estosse un ultra dens un estadi de fotbòl (ua accion shens nada revendicacion politica, qu'ac cau precisar totun), auré ua multa mes ua interdiccion d'anar pas dens un estadi pendent hòrt d'annadas. E serà jutjat de la medisha faiçon aquteh òme ? N'ac cresi pas.

  • 6
  • 0

Escriu un comentari sus aqueste article