Actualitats
Un èx-emplegat de la CIA a dich qu’es la font de las filtracions sus l’espionatge dels usatgièrs d’Internet per los Estats Units
A solament 29 ans, li dison Edward Snowden, a lo passapòrt estatsunidenc e trabalhèt coma assessor tecnic de la CIA. Foguèt el que contèt als jornalsThe Guardian e The Washington Post que l’Agéncia Nacionala de Seguretat (l’NSA segon sa sigla en anglés) dels Estats Units e l’FBI avián accedit als servidors de nòu grandas entrepresas d’Internet per obténer d’informacions utilas sus de ciutadans, per l’intelligéncia e la seguretat del país. Snowden balhèt un document secret a aqueles dos jornals. Segon aquel document, l’NSA e l’FBI se son servits del programa PRISM, que comencèt de s’emplegar los darrièrs ans de l’administracion de George W. Bush e que s’es mantengut amb la de Barack Obama.
The Guardian ven de revelar l’identitat de la font e n’a publicat una entrevista en vidèo. Dins l’entrevista, Snowden ditz que faguèt la filtracion perque sa consciéncia li o demandava, el meteis a decidit de revelar son identitat. “En cap de moment ai pas agut l’intencion de me manténer dins l’anonimat perque fau pas res de marrit”, çò ditz. A l’ora d’ara s’es refugiat a Hong Kong e trabalha dins l’entrepresa Booz Allen Hamilton del sector militar. Las autoritats estatsunidencas an ja anonciat una recèrca per revelacion de secrets que se poiriá acabar amb un mandat d’arrèst.
PRISM
PRISM es lo programa informatic que segon Snowden s’emplegava per far l’espionatge. Sorgiguèt dels cendres del programa secret del govèrn de Bush d’òrdres de vigilància federala, que se barrèt en 2007 quand los mèdias e la Cort d’Intelligéncia Estrangièra obliguèron l’Ostal Blanc de l’anullar.
Alavetz lo congrès aprovèt doas leis per garentir l’immunitat a las entrepresas privadas que cooperèsson volontàriament amb l’intelligéncia, çò que permetèt la creacion de PRISM. Sonque dos legislators ne sabián l’existéncia, mas avián l’obligacion de gardar lo secret.
Dins PRISM, sembla que i participan volontàriament Microsoft, Facebook, Google, Apple, Yahoo!, Skype, YouTube, AOL e PalTalk, e es estat fòrça util per seguir la Prima Aràbia e la Guèrra de Siria. De mai, lo document secret considèra que Dropbox s’i poiriá apondre lèu.
La tòca de PRISM es d’amassar las informacions a travèrs del trafec estatsunidenc e internacional que passa pels servidors d’aquelas companhiás, en forma de messatges electronics, de fotografias, d’archius d’àudio e de vidèo, per seguir la pista d’un objectiu interessant per l’intelligéncia.
Los responsables de PRISM an ensajat de protegir al maxim los participants. “98% de la produccion de PRISM se basa sus Microsoft, Google e Yahoo! Nos cal assegurar qu’aquelas fonts patiscan pas de damatges”, çò ditz lo document secret.
De foncionaris de l’intelligéncia an descrich PRISM coma l’aisina mai prolifica pels rapòrts presidencials, perque se mençonèt 1477 còps arunan. De fach, “se convertís en lo principal supòrt de l’NSA”.
PRISM es l’eiretièr d’una longa istòria de cooperacion entre l’intelligéncia estatsunidenca e aperaquí un centenat d’entrepresas privadas establidas als Estats Units dins lo decenni de 1970.
La majoritat de las nòu entrepresas mençonadas per The Washington Post an desmentit aver permés a l’intelligéncia estatsunidenca d’intrar dins los lors servidors centrals.
The Guardian ven de revelar l’identitat de la font e n’a publicat una entrevista en vidèo. Dins l’entrevista, Snowden ditz que faguèt la filtracion perque sa consciéncia li o demandava, el meteis a decidit de revelar son identitat. “En cap de moment ai pas agut l’intencion de me manténer dins l’anonimat perque fau pas res de marrit”, çò ditz. A l’ora d’ara s’es refugiat a Hong Kong e trabalha dins l’entrepresa Booz Allen Hamilton del sector militar. Las autoritats estatsunidencas an ja anonciat una recèrca per revelacion de secrets que se poiriá acabar amb un mandat d’arrèst.
PRISM
PRISM es lo programa informatic que segon Snowden s’emplegava per far l’espionatge. Sorgiguèt dels cendres del programa secret del govèrn de Bush d’òrdres de vigilància federala, que se barrèt en 2007 quand los mèdias e la Cort d’Intelligéncia Estrangièra obliguèron l’Ostal Blanc de l’anullar.
Alavetz lo congrès aprovèt doas leis per garentir l’immunitat a las entrepresas privadas que cooperèsson volontàriament amb l’intelligéncia, çò que permetèt la creacion de PRISM. Sonque dos legislators ne sabián l’existéncia, mas avián l’obligacion de gardar lo secret.
Dins PRISM, sembla que i participan volontàriament Microsoft, Facebook, Google, Apple, Yahoo!, Skype, YouTube, AOL e PalTalk, e es estat fòrça util per seguir la Prima Aràbia e la Guèrra de Siria. De mai, lo document secret considèra que Dropbox s’i poiriá apondre lèu.
La tòca de PRISM es d’amassar las informacions a travèrs del trafec estatsunidenc e internacional que passa pels servidors d’aquelas companhiás, en forma de messatges electronics, de fotografias, d’archius d’àudio e de vidèo, per seguir la pista d’un objectiu interessant per l’intelligéncia.
Los responsables de PRISM an ensajat de protegir al maxim los participants. “98% de la produccion de PRISM se basa sus Microsoft, Google e Yahoo! Nos cal assegurar qu’aquelas fonts patiscan pas de damatges”, çò ditz lo document secret.
De foncionaris de l’intelligéncia an descrich PRISM coma l’aisina mai prolifica pels rapòrts presidencials, perque se mençonèt 1477 còps arunan. De fach, “se convertís en lo principal supòrt de l’NSA”.
PRISM es l’eiretièr d’una longa istòria de cooperacion entre l’intelligéncia estatsunidenca e aperaquí un centenat d’entrepresas privadas establidas als Estats Units dins lo decenni de 1970.
La majoritat de las nòu entrepresas mençonadas per The Washington Post an desmentit aver permés a l’intelligéncia estatsunidenca d’intrar dins los lors servidors centrals.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Los escotaploja que se'n chautan de compréner çò que disem. Que n'an pro de saber que legem lo Jornalet entà sospieità'ns de subvercion… Ací qu'èm tots enemics de l'endehens !
"Es just una impression... que sèm pres per de colhons"
Un èx-emplegat de la CIA a dich qu’es la font de las filtracions sus l’espionatge dels usatgièrs d’Internet per los Estats Units : çò que vòl dire, tot probable, que trobariam un encargat de mission de la meteissa traca dins cada estat subrinformatizat del mond contemporanèu. Cossí los Estats actuals poiriá resistir — al nom de la mai simpla racionalitat — a una tala temptation, per assolidar son poder ?
#1 Se vòlen espiar eth jornalet, cau qu'aprenguen era nòsta lengua ;-)
Sia soi un drin complotista, sia lo monde ei drin simplòt, mès èi tostemps dit que las granas companhias de la telaranha (Yahoo, Google, sustot Facebook) devèvan lor escaduda a un contracte dab la CIA a qui balhan las entresenhas, ei evident entà jo.
Sus Facebook i a hèra monde qui balhan lor vejaire sus tau o tau subjècte, i a grops politics de tots, doncas ua mina entaus barbuts americans.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari