CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 17 de setembre

Actualitats

Dimenge, 6 de mai de 2012, 23h45 Politica

Hollande venç Sarkozy e presidirà la Republica Francesa

Lo nòrd a votat majoritàriament la drecha e lo sud, Occitània compresa, a favorit los socialistas


Comentaris 6 comentaris    
Marrit Flac Bon Plan bon Fabulós (4 vòtes)
carregant En cargar


Lo candidat socialista François Hollande serà lo nòu president de la Republica Francesa après véncer, per 3%, l’actual president Nicolas Sarkozy. Lo socialisme francés recupèra aital la presidéncia de la Republica après 17 ans, dins un encastre de grèva crisi economica e sociala.


Benjamin Géminel

Lo 6 de mai a la plaça del Capitòli de Tolosa, amb Guilhem Latrubesse (PÒC)
© Georges Labouysse





Etiquetas
hollande, presidencialas, sarkozy

Com d'abitud en las eleccions francesas de quina sòrta que siá, lo nòrd a votat majoritàriament la drecha e lo sud, Occitània compresa, a favorit los socialistas. Malgrat que la victòria socialista es estada per un marge estrech, es clar que Sarkozy a fracassat dins lo sieu ensag d’atraire los votants del Front Nacional (FN). A aquel fach cal apondre la causida de François Bayrou de votar per Hollande, e mai siá estada personala.

Pauc après confirmar la siá victòria, lo novèl president elegit a fach un primièr discors: qu’a mercejat l’esfòrç dels sieus seguidors e tanplan a mercejat los franceses que l'an sostengut, mas a apondut que serà un president “de totes los ciutadans”. E mai, a mes tanben en evidéncia qu'una de las siás prioritats, coma a ja dich sovent pendent la campanha, seràn los joves franceses e la lor manca de perspectivas de futur.
 
Cal admetre que Sarkozy es estat rapid a reconéisser la siá desfacha. “Ieu pòrti tota la responsabilitat d'aquela desfacha”, a afirmat davant los sieus seguidors. En un gèst ges abitual, lo candidat de l'UMP a felicitat Hollande e li a desirat “de tot còr que França capite de traversar las espròvas”. Pauc après a abandonat la siá sedença electorala e se n'es tornat a l’Elisi.
 
Ièr mesme, amb una rapiditat estonanta, la cancelariá d’Alemanha emetèt un comunicat que vantava la siá collaboracion amb Sarkozy pendent totas aquelas annadas e mostrava la siá fisança de manténer la meteissa cooperacion amb Hollande. Alavetz, a degun se li escapa pas que las politicas economicas qu'aplique Hollande seràn analisadas al detalh pel rèsta dels sòcis europèus, ja que lo pes especific de França dins l'UE es fondamental.
 
Dins aquel sens, lo programa electoral socialista a agut, coma es logic dins un temps de crisi, un fòrt compausant economic. Entre las siás mesuras mai conegudas, que d’aquí gaire deurà implementar, i a una reforma del sistèma fiscal e bancari, la derogacion de l’aument de la TVA, l'establiment de mesuras contra l’especulacion e la fraudariá fiscala, la supression de las exempcions fiscalas e l'establiment d'una taxa de 75% pels ciutadans franceses qu'ajan un salari de mai d’un milion d’èuros. Al delà de l’economia, Hollande s’es engatjat a legalizar lo maridatge omosexual, a crear mai d'emplecs per los professors e a revisar l'immunitat del president de la Republica.
 
Per rapòrt al modèl d’Estat, Hollande a pas donat tròp d’expectativas a una descentralizacion administrativa e politica reala, malgrat que foguèt lo PS que comencèt, de la man de François Mitterrand, la reforma territoriala francesa. Per contra, lo nòu president s’es mostrat tostemps partidari d’un cèrta reconeissença e projeccion de las lengas dichas regionalas de França, en prometent quitament la ratificacion de la Carta Europèa de las Lengas Regionalas e Minoritàrias. Per exemple, la siá declaracion sul aquel subjècte foguèt lo 4 d’abril, quand afirmèt que “la Republica n’a res a témer e farai, en aquela revision constitucionala, votar una disposicion que permetrà de ratificar fin finala la Carta de las Lengas Regionalas, per qu’aquelas lengas —sens que menacen la lenga oficiala, la mai polida lenga que siá, la lenga francesa—, pòscan èsser difondudas e ensenhadas".

La passacion del poder de Sarkozy a Hollande es fixada pel 15 de mai.



publicitat
BANER1-2-3: DGPL AN LAFONT



Comentaris

9 de mai 00.12h

Totalament cossent damb Alícia, es un racista. E caldriá pensar a perqué un estat que se tròba en lo còr d'Euròpa, que n'es una pèça tan fondamentala, o es tant. Parlam pas de Turquia, ni d'Espanha, parlam de França


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

7 de mai 16.39h

Hollande es mai que mai un elegit de Bretanha e de l'Aquitània granda (de Leir al Lengadòc). Normalament, quò lo deu menar a mai de decentralizacion ...


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

7 de mai 15.48h

Un còp de vin!
Un còp de pè al Sarkozy!
Ara, mèfi! Que Francés lo II nos fague pas coma Francés lo Ièr (pas lo rei, l'autre) amb las lengas. Sembla pas que se siague mainat de la valor dels trobadors de son parçan -parçan d'adopcion per sa carrièra politica, pas per afinitat o curiositat culturala. En mai d'aquò, es enrodat de qualques jacobins caputs.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

7 de mai 14.47h

Ieu, era arser a Tula per los resultats. Lo Francés a mercejat los Tulauds mai los Corresians de lor ajuda (segur avem votar a 65 de cent per ilh) e de lor complicitat de las annadas de temps. Eram contents sus la Plaça de la catedrala, d'esser visat per la planeta .
Eram pas pauc fiar ! Mas ne'n chau pas doblidar tot parier que lo Lemosin-Bas (la Corresa actuala) es la patria daus Trobadors, mai dau chanonge Jasep Ros, autor de "La Chansou Lemouzina" escricha dins la grafia daus trobadors, ... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

7 de mai 11.30h

Es important d'èsser atentius a çò que lo nòvel president de França respeite sos engatjaments. A la diferença de la segonda mitat de la presidença Sarkozy ont èra clar qu'èra opausat a tota evolucion per l'occitan e las lengas autras que lo francés, lo discors e lo programa de Hollande son dubèrts. Prepausa enfin d'avançaas per l'occitan : adaptacion de la constitucion per la ratificacion de l... Legir mai


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

7 de mai 00.35h

"La mai polida lenga que siá, la lenga francesa"… Quin ase ! Quin racista ! Qu'es aquò, una "bèla" lenga, una "granda" lenga ? I a sonque lengas, e lengas, e lengas… Totas se valon, e se que non, escotam parlar un racista, un inegalitarista… un politician francés ordenari, qué !

Per o cort, ne jutjarem suls actes. Coma de costuma.


Valoriza aqueste comentari:   votar positiu 6   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 23
  • sol Aush 24
  • sol Bordèu 24
  • sol Briançon 19
  • sol Caors 23
  • sol Carcassona 23
  • sol Clarmont-Ferrand 19
  • sol Confolent 19
  • sol Gap 15
  • sol La Canau 24
  • sol La Gàrdia 21
  • sol Limòtges 21
  • sol Lo Borg Sant Dalmatz 18
  • sol Lo Puèi de Velai 20
  • sol Marselha 21
  • sol Montpelhièr 22
  • sol Naut Aran 21
  • sol Niça 20
  • sol Nimes 23
  • sol Pau 22
  • sol Peireguers 22
  • sol Rodés 24
  • sol Tolon 22
  • sol Tolosa 23
  • sol Valença 20

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Franc Bardòu

    Asuèlhs Bigordans

  • Meravilhas aranesas. © Franc Bardòu

    Meravilhas aranesas

  • © Franc Bardòu

    Tèrra albigesa

  • Còth deth Tormalet, 18/07/2012

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Mónego, Bersorèlh e 'A Torbia sota 'a nèu. © Artusa Garavan

    Mónego, Bersorèlh e 'A Torbia sota 'a nèu

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Laurenç Revèst

    Menton, 'a vivaroalpenca maritima

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Estivada 2013. © Guillem Sevilla

    Estivada 2013

  • ©  LR

    Mostier e òrts de Cimiés, antica ciutat de Cemenelum, actualament quartier de Niça

  • © Franc Bardòu

    Coserans al còr

  • Mónego, Bersorèlh e 'A Torbia sota 'a nèu. © Artusa Garavan

    Mónego, Bersorèlh e 'A Torbia sota 'a nèu

  • © Laurenç Revèst

    Dau castèu de Grimaud

  • © Xavi Gutiérrez Riu

    Baish Ador

  • © Conselh Generau d'Aran

    Lo Torn de França 2016 en Aran

  • © Franc Bardòu

    Tèrra albigesa

  • ©  LR

    Mostier e òrts de Cimiés, antica ciutat de Cemenelum, actualament quartier de Niça

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)