CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 21 de julhet

Actualitats

Dimars, 18 de junh de 2013, 19h30 Societat,Environament

Gasconha > Val d'Aran

Emergéncia en Aran peth desbordament dera Garona

Quauqui vesins evacuadi en Vielha, Tredòs, Arties, Bossòst, Les, Hòs e Sant Beat. Talhat er accès per carretèra. Luishon isolat. Alèrta de creishudes en Bearn e Bigòrra


Comentaris 6 comentaris    
Marrit Flac Bon Plan bon Fabulós (5 vòtes)
carregant En cargar



© @arantec

Bossòst
© @MeteoLaPau


© @arantec


© @arantec


© @arantec


© Marta Lluvich /ACN

Sant Beat
© @BorisKharlamoff





Etiquetas
alèrta, aran, barrera, emergéncia, garona, inondacions, val daran

Un dia dempús dera hèsta nacionau d’Aran, mercada peth 700au anniversari dera Querimònia, es fòrtes ploges e era grana quantitat de nhèu acumulada enes montanhes araneses qu’an portat eth país a ua situacion d’alèrta grèva.
 
Era enòrma creishuda des arrius, sustot dera Garona, an isolat era Val d’Aran per carretèra. En bèth tram era Garona arribe a hèr 150 m de larg e era situacion ei a vier mès grèva, segontes a explicat eth Sindic d’Aran, Carlos Barrera, as televisions e ràdios de Catalonha. Es autoritats parlen de situacion perilhosa.
 
Aguesta situacion a hèt a talhar era carretèra N230, espina dorsau deth país e es accèssi, tant de Comenge coma deth sud peth tunèl de Vielha. Eth transpòrt escolar ei estat suspenut e i a agut evacuadi en Tredòs, Arties, Vielha, Bossòst e Les.
 
Eth Sindic d’Aran, Carlos Barrera, qu’a parlat d’ua situacion caotica, e a ja anonciat qu’es damatges seràn fòrça grani, en tot tier en compde qu’era prevision ei de mès ploja ena Val d’Aran.
 
Segontes eth Centre de Coordinacion d’Emergéncies de Catalonha, i a peth moment 310 persones deslotjades e quauqui campings se pòden veir afectadi. Eth camping  Verneda ei ja estat evacuat.

Peth maitin 4400 cases son sense electricitat. Era companhia d'electricitat ei en tot trabalhar e en aguest moment ja ei restablida ena majoritat de lòcs.

Es vesins d'Aties son estats deslotjats e aculhudi en en Parador de Torisme o ena glèisa. Era fòrça dera aigua s'a emportat quauques cases, eth pont sus era Garona, era bastissa deth camping e es bungalows. Es ossi que i auie deuant deth burèu de torisme son estats transportadi. Arties ei, damb Vielha, Tredòs, Les e Bossòst un des pòbles mès afectadi. Toti es pòbles dera Val son encara incomunicadi.

Les ei sense electricitat, ne gas; era Garona s'a emportat es conduites. Tota era populacion ei estada evacuada.


Pòur pera creishuda der arriu Nere en Vielha

Eth baile de Vielha e Mijaran, Àlex Moga, alertaue ja aguest matin qu’eth cabau der arriu Nere auie tanben pujat exponenciauments e qu'ere perilhós. Fin finau non a calgut evacuar quauqui 400 vesins deth centre istoric de Vielha coma mesura de precaucion.
 
En declaracions ara ACN, Moga a explicat qu’era Garona ei “entièraments desbordada” en tot Aran e en Vielha toti es pònts son barradi. Enquia ara, es inondacions an arribat a cases, botigues e s’an emportat es bungalows de bèri campings. Ath delà, fòrça vesins non an electricitat ne aigua potabla. Eth baile avertís a toti que demoren en casa pr’amor qu’eth perilh ei fòrça anautit.
 
Damb er arriu Garona desbordat en fòrça punts, era situacion ei complicada en Aran, e era prevision ei que plòigue mès e damb intensitat.
 
Se se desbòrde er arriu Nere es inondacions serien fòrça grèves. Peth moment toti es pònts son barradi e er aigua passe per dessús.
 
Eth gabinet de crisi ei amassat entà analisar era situacion e mercar es accions.


Es pònts queiguts

De Naut Aran mos repòrten a Jornalet qu'eth municipi e ei sense electricitat. Ath delà eth testimoniatge mos conde qu'era Garona s'a emportat es caravanes deth camping era Yerla d'Arties. En Casarilh an pòur qu'era aigua e s'empòrte ues cases.

Era Garona a tombat es pònts d'Arties, Salardú e Escunhau e un pònt en Vielha.


Lusihon isolat, Bigòrra e Bearn en alerta de creishudes

Garona enjós quauques centenats de persones èren ja evacuades entàs 12h30 en Sant Beat, Banhèras de Luishon, Sales e Pratvièlh e Hòs, a on a sautat un pont e era aigua s'a emportat es animaus. Ara ora d'ara tota era poblacion ei estada evacuada per tèrra e aire.

Luishon ei isolat, tant pera val coma peth Portilhon. Es carretères RN125, RD46, RD618A e RD27C son estades barrades

En Lorda qu'an barrat eth santuari. Era Tuta de Massavièlha ei submergida pes aigües deth Gave, e eth risc de crescuda ei maximau.De hèt Bigòrra e Bearn son en alèrta maximau.




FM

Mès informacions

Imatges e vidèos


Bossòst



Era Garona en tot passar per Arties



publicitat
BANER1-2-3: DGPL TRADUCTOR



Comentaris

19 de junh 16.28h

#5 Jo legisqui:

Lusihon isolat, Bigòrra e Bearn en alerta de creishudes

Garona enjós quauques centenats de persones èren ja evacuades entàs 12h30 en Sant Beat, Banhèras de Luishon, Sales e Pratvièlh e Hòs, a on a sautat un pont e era aigua s'a emportat es animaus. Ara ora d'ara tota era poblacion ei estada evacuada per tèrra e aire.

Luishon ei isolat, tant pera val coma peth Portilhon. Es carretères RN125, RD46, RD618A e RD27C son estades barrades

En Lorda qu'an barrat eth santuari... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

19 de junh 10.14h

qu'ei plan triste pera vath d'aran segur,mes que sòi espanta de veger qu'eths jornalistas deth jornalet non parlan pas brica dera Bigòrra dab Lorda e tota era vath deth Lavedan negada e dera vath deras Nestas negadas tanben enas hautas pireneas que i a 1800 personas desplaçadas pormor deths aigats,copaduras d'electricitat camins copats taben,ah b'ei vertat! ç'am par nosautis n'em pas en occitania mès en Gasconha.


Valoriza aqueste comentari:   votar positiu 0   votar negatiu 4
Respondre comentari replica Comentari inadeqüat   Formulari d'abús de comentari

18 de junh 20.19h

Occitans de pertot amb los araneses!


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

18 de junh 19.28h

Perdoneu que no escrigui aranès, però l'entenc quan el llegeixo i m'agrada.
Ànims. Us en sortireu d'aquest aiguat i aviat tornareu a tenir el país endreçat.
Aquest estiu vinent tornarem a visitar-vos i farem estada a la vostra terra durant les vacances.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

18 de junh 13.29h

Solidaritat pan occitana ambals araneses que patísson dals desbordaments !


Valoriza aqueste comentari:   votar positiu 14   votar negatiu 0
Respondre comentari replica Comentari inadeqüat   Formulari d'abús de comentari

18 de junh 13.03h

Ja fasiá qualques jorns qu'amb la nèu subrabondosa que fondiá amb una calor mai que tardièra, tornada d'un sol còp, las aigas de Pica e de Garona montavan espectaclosament. Dissabte passat, 15 de Junh de 2013, Garona semblava ja mai auta que lo nivèl de la rota que la costeja, tant a Sent Beat coma a Bossòst. Tant al nòrd coma al sud del Pont del Rei, lo flume d'òc amenaçava ja. Alavètz, amb pluèjas generosas coma las que venon de tornar tombar, l'aigat èra inevitable, indefugible.... Legir mai


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Cal una volontat politica

En Paraguai, lo guaraní es lenga oficiala dempuèi l'an 1992, mas èra una oficialitat que se podiá pas remarcar. Puèi en 2010 se faguèt una lei que demandava ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

giny

Vidèos

Entrevista

giny

giny

publicitat

lateral 2 teveoc

Fotografias

  • © Zep Armentano

    Era Mongetada (Val d'Aran 28-29 d'octobre 2017)

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Agaits occitans sus Barcelona. © Franc Bardòu

    Agaits occitans sus Barcelona

  • Gavotina marítima: trofèu d'August e vila vielha d'A Torbia

  • País de Rasés. © Franc Bardòu

    País de Rasés

  • © Laurenç Revèst

    Menton, 'a vivaroalpenca maritima

  • Exposicion temporària sus Robèrt Lafont al CIRDOC (D.R.)

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Laurenç Revèst

    Vista de Gavotina (est Velai) e d'Auvèrnhe (Vivarés, Gevaudan)

  • © AR

    Vila d'Usès e lo pont de Gardon

  • © Zep Armentano

    XI prèmis Gaudí de l'Acadèmia Catalana del Cinèma

  • © Laurenç Revèst

    Besièrs, preséncia d'occitan en ciutat e CIRDOC

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Auribeu de Sianha

  • Espaci occitan a Draoníer (Val Maira). © Cristòu Daurore

    Espaci occitan a Draoníer (Val Maira)

  • Val de Toran. Pardia. © Xavi Gutiérrez Riu

    Val de Toran (Aran)

  • © Laurenç Revèst

    Lengue a Mentan

  • Fèsta dal Dalfin al Borg. © Cristòu Daurore

    Fèsta dal Dalfin al Borg Sant Dalmatz

  • Costiera de Gavotina marítima : Tròces de vial d'a marina de Mónego a Caboalh. © RL

    Costiera de Gavotina marítima: Tròces de vial d'a marina de Mónego a Caboalh

  • © Franc Bardòu

    Asuèlhs de Lauragués

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)