Bandièra01 capçalera  1180x150: Novestivada

Actualitats

Lo Congrès dels Deputats espanhòl accèpta pas la solidaritat en aranés

“Voi exprimir eth nòste supòrt e solidaritat damb era gent d’Aran e de totes es vals des nacions occitana, espanhòla e catalana, peth patiment causat pes inondacions qu’an patit”. Aital començava lo discors del deputat catalan Alfred Bosch (ÈRC) dins lo Congrès dels Deputats espanhòl dimècres passat. Mas poguèt pas acabar son discors perque la vicepresidenta del Congrès, Celia Villalobos, li permetèt pas de parlar una autra lenga que l’espanhòl.
 
Bosch aucèt las espatlas e diguèt a Villalobos que “sovent la lenga mairala a de vertuts terapeuticas per las gents que son a patir”. Ça que la, aquela argumentacion foguèt pas acceptada e Bosch poguèt pas acabar son intervencion dins lo parlament espanhòl.
 
Es estat lo primièr còp que s’ensaja de parlar occitan dins la sedença parlamentària espanhòla.


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pimflòid
5.

Que i avó tanben un deputat nomenat Lassala qui cantè lo Se Canta a l'assemblada nacionala francesa, sèi pas mei a perpaus de qué....

Qu'èra dus o tres ans a

  • 0
  • 0
Jaume Figueras i Trull Calafell
4.

Es pas estat lo primièr còp que la lenga occitana es emplegada al Congrès dels Deputats de Madrid, que en 1931 Rogièr Barthe montèt sus aquela tribuna e i lancèt un "Visca Occitània!"...
Es verai qu'èra solet, o acompanhat de pas gaire monde, a l'ocasion d'una visita, mas demòra que la lenga i a dejà clantit, dins aquel endrech.
Es lo quite Barthe que conta aquò dins una letra a Carbonell...

  • 0
  • 0
Lo Veseor Gordolon ciutat
3.

Una primiera que cal ne'n far resson da pertot ! Brau !!!

  • 6
  • 0
Miraudon Còl de Turini
2.

Mercés a Alfred Bosch e al siu partit ERC per aver 'o fetge d'aparar 'a nacion occitana enanch 'o Congrès dals deputats espanhòls. Quora veirem parier un jorn a l'Assemblaia nacionala francesa, a la Cambra dals Deputats d'Itàlia e al Conselh nacional monegasco ?

  • 8
  • 3
Amfós Rieutort de Randon
1.

Podèm dire que nòstres fraires catalans an quicòm dins las cauças ! Aqueles òmes nos marcan lo camin. Benlèu un jorn un deputat nòstre gausarà faire la meteissa causa.
Malaurosament cal los torments de la vida e las catastròfas perque l’uman trapa la solidaritat e prengue consciéncia de son apertenença a un pòble e a una nacion.

  • 13
  • 1

Escriu un comentari sus aqueste article