Actualitats
Bòsnia: la “Revolucion dels Nenets”
Fan de protèstas multitudinàrias davant lo parlament, a Sarajevo, dempuèi la mòrt de doas dròllas novèlnadas sens papièrs a causa d’una disputa politica
Pendent las darrièras setmanas, los mèdias an seguit amb interès las protèstas d’indignats que se son debanadas en Turquia e en Brasil. Per contra, s’es donat pauca atencion a la nomenada “Bebolucija”, la “Revolucion dels Nenets” en Bòsnia e Ercegovina. Pel primièr còp dempuèi la fin de la guèrra en 1995, de milièrs de bosnians de totas las comunautats se son acampats cada jorn davant lo parlament, a Sarajevo, en protèsta contra un conflicte politic que dempuèi de meses empedís los novèlnats del país d’obténer un passapòrt. Amb de consequéncias tragicas.
Dempuèi la mitat de febrièr, la Republica Sèrba, l’entitat semiindependenta dins l’estat federal de Bòsnia, pretend obténer pels sieus nenets de numèros d’identificacion diferenciats dels de la rèsta del país. Aquela intencion a creat un blocatge legislatiu qu’empedís totes los nenets d’obténer lo passapòrt. Pels deputats croats e bosnians, s’agís d’una manòbra per crear la division e condusir a l’independéncia de la partida sèrba.
E aquò o pagan los enfants nascuts dempuèi febrièr: sens numèro d’identificacion al certificat de naissença, an pas l’accès a la seguretat sociala ni pòdon aver de passapòrt.
Doas mòrts
La situacion a agut de consequéncias tragicas. Belmina Ibrišević, nascuda amb una malautiá grèva, obtenguèt pas lo permés de sortir del país e seguir son tractament en Alemanha. Al començament de junh, quand aviá tres meses, moriguèt a Sarajevo, ont cap d’espital aviá los mejans adaptats per la salvar.
Es pas estat lo sol cas: lo 13 de junh passat, Berina Hamidović, una autra dròlla bosniana malauta e sens papièrs, moriguèt dins la capitala sèrba, Belgrad, ont sos parents avián capitat de la menar en veitura après superar de longas negociacions amb los agents de la doana.
Mobilizacion nacionala
Belmina e Berina son vengudas lo simbòl de la lucha, que s’es agrandida enòrmament. I a agut de manifestacions cada jorn davant lo parlament a Sarajevo, malgrat la proïbicion del govèrn: dimècres passat acampèron aperaquí dètz mila personas de totas las comunautats del país, atges e sectors, per reclamar la fin del desacòrdi politic e de la division etnica e nacionala.
La mobilizacion, que comencèt a travèrs de rets socialas coma Facebook, es venguda una revendicacion de cambiaments prigonds dins lo país e de denóncia dels politicians, e s’es estenduda dins qualques vilas de Bòsnia e Ercegovina.
Dempuèi la mitat de febrièr, la Republica Sèrba, l’entitat semiindependenta dins l’estat federal de Bòsnia, pretend obténer pels sieus nenets de numèros d’identificacion diferenciats dels de la rèsta del país. Aquela intencion a creat un blocatge legislatiu qu’empedís totes los nenets d’obténer lo passapòrt. Pels deputats croats e bosnians, s’agís d’una manòbra per crear la division e condusir a l’independéncia de la partida sèrba.
E aquò o pagan los enfants nascuts dempuèi febrièr: sens numèro d’identificacion al certificat de naissença, an pas l’accès a la seguretat sociala ni pòdon aver de passapòrt.
Doas mòrts
La situacion a agut de consequéncias tragicas. Belmina Ibrišević, nascuda amb una malautiá grèva, obtenguèt pas lo permés de sortir del país e seguir son tractament en Alemanha. Al començament de junh, quand aviá tres meses, moriguèt a Sarajevo, ont cap d’espital aviá los mejans adaptats per la salvar.
Es pas estat lo sol cas: lo 13 de junh passat, Berina Hamidović, una autra dròlla bosniana malauta e sens papièrs, moriguèt dins la capitala sèrba, Belgrad, ont sos parents avián capitat de la menar en veitura après superar de longas negociacions amb los agents de la doana.
Mobilizacion nacionala
Belmina e Berina son vengudas lo simbòl de la lucha, que s’es agrandida enòrmament. I a agut de manifestacions cada jorn davant lo parlament a Sarajevo, malgrat la proïbicion del govèrn: dimècres passat acampèron aperaquí dètz mila personas de totas las comunautats del país, atges e sectors, per reclamar la fin del desacòrdi politic e de la division etnica e nacionala.
La mobilizacion, que comencèt a travèrs de rets socialas coma Facebook, es venguda una revendicacion de cambiaments prigonds dins lo país e de denóncia dels politicians, e s’es estenduda dins qualques vilas de Bòsnia e Ercegovina.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#6 Parli de la granda partida dei sèrbis (aquelei que demoran au nèord de Bòsnia) que vòlon pas vertadierament reconeisser çò qu'an fach e que fan tot per èstre restacat a l'Estat de Serbia
Un brave mercé de nos assabentar aital de çò que los mediàs parisencs ne fan pas cas.
#3 Qué voletz díser, los ultranacionalistas sèrbes ?
Vaquí : http://www.liberation.fr/monde/2013/06/21/bulgarie-huitieme-jour-de-manifestations-antigouvernementales_912831
Qu'èi la canha d'arrevirar tot aquò (Ni pas tròp lo temps tanpauc)
De tot biaish, Navèra Caledonia ei estada bloquejada un bon moment per una cauma generau : pas arren au finestron frachimand.
Amb lo "país-puzzle" de Bosnia e Ercegovina que foguèt imposat ai Croatas, Bosniacs e Serbes d'aquesto sector per la comunitat internacionala, pas estonant de veire de talas expressions de bastian-contrarisme (e verai qu'aicí son expression a de consequéncias terriblas...).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari