Aqueste dissabte, lo temps èra al bèl sus l’estadi Wallon a Tolosa; mai de 15 000 personas per assistir a la partida deslocalizada dels Dracs per la sason: una capitada doncas. Adversaris: los Barbarós de HullKR.
D’entrada, los Dracs dominavan mas encaissavan dos ensags en contra; l’un sus una corsa de 100m aprèp una fauta de man anglesa que sols los arbitres vegèron pas. 12-0 pels angleses al cap de 10 minutas de jòc. Los Dracs tornèron pichon a pichon dins la partida per egalizar a 12 pertot amb tres ensags, mai dos refusats per aquel arbitre demoniac a la vidèo. A la còrna, Tomas Bòsc ensacava lo tombat: 13-12 pels Dracs qu’avián perdut dins l’afar Jamal Fakir, nafrat als adductors.
Dins lo segond temps, Tomas Bòsc ajustava una penalitat. L’arbitre vidèo refusava un ensag a Vincenç Dupòrt; Hull KR tornava prene l’avantatge 16-15 amb un ensag de Greg Eden. Dupòrt marcava a la 70a minuta, Bòsc transformava mas a cinc minutas del tèrme, un novèl ensag transformat dels angleses fasiá virar l’escapada tolzana dels Catalans en una crudèla desillusion: 22-21.
E tre divendres, cal anar desfisar los Gigants d’Huddersfield que son en segonda posicion al classament.
Dijòus al ser, a Lesinhan, la Federacion se deguèt rendre a l’evidéncia tristassa: lo campion Pià se marcariá pas a la competicion de l’an venent de l’Elèit. una pagina de l’istòria del XIII se vira e la Comuna pianenca a ja anonciat a l’equipa quinzista locala que lo tarren de la Basas èra a sa disposicion. Èra doncas l’ora de sortir lo plan B, una competicion un pauc alambicada amb totjorn darrèr lo cap l’espelida d’un campionat a 10 equipas per la sason 2014-15.
Alara, aurem tre setembre, una Pola d’Elèit a 8 equipas: Carcassona, Lesinhan, Limós, Tolosa, XIII Catalan-St-Estève, Avinhon, Vilanòva e Palau, mai doas polas d’Elèit 2: una de l’Oèst amb Albi, St-Gaudenç, Tonens, Tolosa-Broncòs, Vilafranca de Roergue e Realmont; l’autra de l’Èst amb Lescura, Baó, Carpentràs, Cavalhon, Lion e Montpelhièr. Dins la segonda fasa, i aurà una Pola dels As amb los 4 melhors clubs d’Elèit 1, doas polas de 4 mitat Elèit 1-mitat Elèit 2 e doas polas d’Elèit 2 e, la tresena fasa serà la fasa eliminatòria que menarà als bloquièrs d’Elèit 1 e d’Elèit 2.
La finala del campionat d’Elèit 1 es prevista per la dimenjada dels 10-11 de mai de 2014 e la de la Copa tre la dimenjada dels 5-6 d’abril. Demòra d’esperar de partidas interessantas e engatjadas que faràn doblidar la complexitat de l’afar.
E tre aqueste dimècres, seguirem la segonda partida dels Estats d’Origina que se jogarà a Brisbana. L’esquipa del Queensland cercarà a prene lo revenge de la primièra confrontacion amb la Nova Galas del Sud: a o blau, a cadun e caduna de causir!
Alan Roch
D’entrada, los Dracs dominavan mas encaissavan dos ensags en contra; l’un sus una corsa de 100m aprèp una fauta de man anglesa que sols los arbitres vegèron pas. 12-0 pels angleses al cap de 10 minutas de jòc. Los Dracs tornèron pichon a pichon dins la partida per egalizar a 12 pertot amb tres ensags, mai dos refusats per aquel arbitre demoniac a la vidèo. A la còrna, Tomas Bòsc ensacava lo tombat: 13-12 pels Dracs qu’avián perdut dins l’afar Jamal Fakir, nafrat als adductors.
Dins lo segond temps, Tomas Bòsc ajustava una penalitat. L’arbitre vidèo refusava un ensag a Vincenç Dupòrt; Hull KR tornava prene l’avantatge 16-15 amb un ensag de Greg Eden. Dupòrt marcava a la 70a minuta, Bòsc transformava mas a cinc minutas del tèrme, un novèl ensag transformat dels angleses fasiá virar l’escapada tolzana dels Catalans en una crudèla desillusion: 22-21.
E tre divendres, cal anar desfisar los Gigants d’Huddersfield que son en segonda posicion al classament.
Dijòus al ser, a Lesinhan, la Federacion se deguèt rendre a l’evidéncia tristassa: lo campion Pià se marcariá pas a la competicion de l’an venent de l’Elèit. una pagina de l’istòria del XIII se vira e la Comuna pianenca a ja anonciat a l’equipa quinzista locala que lo tarren de la Basas èra a sa disposicion. Èra doncas l’ora de sortir lo plan B, una competicion un pauc alambicada amb totjorn darrèr lo cap l’espelida d’un campionat a 10 equipas per la sason 2014-15.
Alara, aurem tre setembre, una Pola d’Elèit a 8 equipas: Carcassona, Lesinhan, Limós, Tolosa, XIII Catalan-St-Estève, Avinhon, Vilanòva e Palau, mai doas polas d’Elèit 2: una de l’Oèst amb Albi, St-Gaudenç, Tonens, Tolosa-Broncòs, Vilafranca de Roergue e Realmont; l’autra de l’Èst amb Lescura, Baó, Carpentràs, Cavalhon, Lion e Montpelhièr. Dins la segonda fasa, i aurà una Pola dels As amb los 4 melhors clubs d’Elèit 1, doas polas de 4 mitat Elèit 1-mitat Elèit 2 e doas polas d’Elèit 2 e, la tresena fasa serà la fasa eliminatòria que menarà als bloquièrs d’Elèit 1 e d’Elèit 2.
La finala del campionat d’Elèit 1 es prevista per la dimenjada dels 10-11 de mai de 2014 e la de la Copa tre la dimenjada dels 5-6 d’abril. Demòra d’esperar de partidas interessantas e engatjadas que faràn doblidar la complexitat de l’afar.
E tre aqueste dimècres, seguirem la segonda partida dels Estats d’Origina que se jogarà a Brisbana. L’esquipa del Queensland cercarà a prene lo revenge de la primièra confrontacion amb la Nova Galas del Sud: a o blau, a cadun e caduna de causir!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari