Actualitats
Las tres activistas europèas de Femen, arrestadas a Tunis, son estadas liberadas
Lo Tribunal d’Apelacion tunisian a ordenat la liberacion de las tres activistas del grop feminista Femen, arrestadas a Tunis lo 29 de mai. Las condemnèron a quatre meses de preson per “atemptat contra la pudor e las bonas mors”, mas, après revisar lo cas, lo jutge a cambiat de vejaire.
Las francesas Pauline Hillier e Marguerite Stern amb l’alemanda Josephine Markmann foguèron detengudas quand protestavan amb las popas a l’aire davant lo Palais de Justícia en tot demandar la liberacion de la feminista tunisiana Amina, en preson preventiva dempuèi lo 19 de mai.
La decision del Tribunal d’Apelacion es arribada après que las quatre joventas demandèsson excusas publicas davant lo jutge “perque lor accion acipèt los tunisians”, segon çò qu’expliquèt l’avocat de las activistas.
Pauline, Marguerite e Josephine an mostrat lor “pentiment” e an promés que tornaràn pas far d’actes que pòscan “afectar la morala”. L’avocat diguèt que la presentacion d’excusas èra necessària per que lo jutge rectifiquèsse lo verdicte.
Segon lo sit web de Femen, las tres militantas europèas de l’organizacion an ganhat, e “la decision illegala de la justícia de Tunisia es estada anullada”. “Es tròp d’ora per s’arrestar perque la nòstra activista tunisiana Amina demòra en preson, e solament la nòstra pression sus las autoritats del país la poirà desliurar”, çò apond Femen.
Sul sit de l’organizacion, las tres joves relatan tanben las orrors de lor captivitat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 «personaument, sui pas solide que servissin grandament la causa deu feminisme, dab accions com aqueras» >> sabi pas tanpauc, e ne soi pas fan, mas bon… de tot biais, lor plaça es pas en preson.
«que revendican ? quina argumentacion ? quina analisi de la societat ? […]
pendent que se despelhan e amuishan sons polits pitraus sus tots los hilats sociaus, qui sosca a las questions de l'egalitat de salari, deu conget maternitat, de la contracepcion…»
>> es un ensem… se tornar apropriar la sobeiranetat de nòstres còs me sembla èsser, per elas, la basa de totas las autras revendicacions. ENfin, es atal que lo compreni ! ;)
#4 "Lo metòde Fremen" !!!! Qu'ès desmascat, dunista!
http://fr.wikipedia.org/wiki/Fremen
#2 Lo metòde Fremen fa pas l'unanimitat dins lo feminisme. Pasmens cresi que Fremen difusa un messatge clar e frapant amb un contengut positiu: de fremas se laissan pas tòrcer e se baton per sa dignitat. Me semblan fòrça coratjosas e meritòrias.
#2 Soi un pauc d'àcordi. Es que ne sabon mai sus Tunisia que los piòts del Club Med ?
moe... personaument, sui pas solide que servissin grandament la causa deu feminisme, dab accions com aqueras. que revendican ? quina argumentacion ? quina analisi de la societat ?
las femen, me sembla mei ligat a la cultura Facebook-societat de l'espectacle, mei portat sus la comunicacion shens contingut, qu'a una vertadèira revendicacion e luta feminista.
pendent que se despelhan e amuishan sons polits pitraus sus tots los hilats sociaus, qui sosca a las questions de l'egalitat de salari, deu conget maternitat, de la contracepcion, deu dret a l'avortament ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari