Bandièra01 1180x150: Comuna de Tolosa

Actualitats

Un concèrt istoric per l’independéncia de Catalonha

Aperaquí 90 000 personas empliguèron dissabte lo terren de l’FC Barcelona en cridant “independéncia”

Lo terren de fotbòl de l’FC Barcelona s’empliguèt dissabte amb 90 000 personas qu’assistiguèron al Concèrt per la Libertat. Qualques desenats d’artistas interpretèron un quarantenat de cançons, devesidas en dos grands blòcs.
 
A la primièra partida participèron de musicians plan coneguts coma Dyango, Paco Ibáñez, Peret, Pep Sala, Cesk Freixas, Titot o Maria del Mar Bonet.
 
A l’intermèdi, pendent que s’interpretava l’imne catalan Els Segadors, lo public faguèt un grand mosaïc “Freedom for Catalonia 2014” (libertat per Catalonha 2014) que voliá far saber al Mond los desirs de libertat del pòble catalan.
 
La segonda partida èra un dels moments mai esperats. Lo cantaire Lluís Llach s’entornegèt de cantaires de pertot, coma Gweb Perry, Gisele Jackson, Franca Masu, Nena Venetsanou, Ramoncín e d’autres qu’interpretèron, amb el, de versions de sas cançons mai conegudas dins mai d’una lenga. Un dels moments mai emotius foguèt quand se cantèt L’Estaca en arabi.
 
Clavèt lo concèrt la cançon Tossudament alçats, que se presentava coma l’imne de l’eveniment. Lo public la cantèt ensems en illuminant tot lo terren amb los telefòns mobils. Lo concèrt s’acabèt amb de crits d’independéncia.
 
TV3 retransmetèt lo concèrt en dirècte en tot far un recòrd d’audiéncia: 32,3% de partiment, valent a dire aperaquí 1 800 000 telespectators.


 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Domergue Sumien Ais de Provença
7.

#6 Spanish is a threat for Catalan. English is no threat for Catalan. This only matters. :)

  • 2
  • 0
aubèrt gorreth auloron
6.

e tanben qu'ei curiós pr'amor que los anglés e deisharen solets los catalans au 1714...

  • 5
  • 0
Terric Lausa Quilhan
5.

Lo "Freedom Catalonia" es estat emplegat en anglés per doas rasons:

- Per contradire los enemics de l'independentisme catalan qu'acusan los quitis independentistes de replec identitari e lingüistic.

- S'inscriure dins un movement de las nacions en Euròpa e pel planèta e non pas dins un simple contra-poder a la colonizacion espanhòla.

  • 15
  • 0
Halhèr Les
4.

#3 Totun, encara que sigue er anglés, ei era lengua qu'an causit es catalans entà hèr un messatge ath mon, l'an causit, non ei estat impausat, tà jo donques va plan

  • 13
  • 0
lo passejaire Tolosa
3.

#2 e los anglés l'autra mitat ;-) la pròva

  • 1
  • 6

Escriu un comentari sus aqueste article