Actualitats
Indignacion en Euròpa per l’espionatge massís dels Estats Units
Segon lo setmanièr alemand Der Spiegel, l’NSA aurá espionat l’UE e qualques estats de l’Union
Las institucions europèas se sentisson tractadas coma l’enemic pels Estats Units dempuèi que se coneis los detalhs de l’espionatge massís qu’a publicat lo setmanièr alemand Der Spiegel.
Segon aquel setmanièr, los Estats Units an espionat —en fasent d’enregistraments— las sedenças de l’Union Europèa a l’ÒNU, a Washington e quitament a Brussèlas.
L’Agéncia Nacionala de Seguretat dels Estats Units (NSA) auriá espionat l’Union Europèa e colleccionariá cada mes qualques 500 milions de comunicacions telefonicas o d’Internet en Alemanha.
Segon aqueles documents arribats per mejan d’Edward Snowden, l’èx-collaborador de l’NSA qu’ara es a fugir l’extradicion, las operacions d’espionatge serián sistematicas e tocarián de corrièrs electronics, de messatges de tèxt de telefòn mobil e de convèrsas sus Internet. Çò que s’arribariá d’espionar en Alemanha se salvagardariá dins lo sèti central de l’NSA, a Fort Meade.
Indignacion de l’Union Europèa
Lo president del Parlament Europèu, Martin Schultz, reagiguèt ièr amb fòrça. Schultz diguèt que se sentissiá en estat de chòc. “En cas qu’aquò siá cèrt, coma representant d’un organisme europèu, me sentissi tractat coma un enemic”.
Schultz vesiá d’intencions economicas: “l’Union Europèa es pas una poténcia militara, la sola explicacion es d’escotar los debats d’estrategia economica de l’Union e dels sieus membres per rapòrt al mercat estatsunidenc”.
Aquel afar pòt afectar las relacions entre Euròpa e los Estats Units. Schultz a exigit d’explicacions a Obama. De son costat, la comissària de la Justícia, Vivianne Reding, metèt en evidéncia qu’“es malaisit de far un acòrdi de liure comèrci amb los estatsunidencs quand i a de suspicions d’espionatge”, e mai se los interessats en aquel liure comèrci son los europèus.
L’indignacion arribèt tanben a d’estats espionats, coma França e Alemanha, que condemnèron aqueles procediments.
E aquò es pas tot. Segon Der Spiegel, i poiriá aver de païses aliats dels Estats Units que serián pas espionats: Canadà, Austràlia o lo Reialme Unit.
Segon aquel setmanièr, los Estats Units an espionat —en fasent d’enregistraments— las sedenças de l’Union Europèa a l’ÒNU, a Washington e quitament a Brussèlas.
L’Agéncia Nacionala de Seguretat dels Estats Units (NSA) auriá espionat l’Union Europèa e colleccionariá cada mes qualques 500 milions de comunicacions telefonicas o d’Internet en Alemanha.
Segon aqueles documents arribats per mejan d’Edward Snowden, l’èx-collaborador de l’NSA qu’ara es a fugir l’extradicion, las operacions d’espionatge serián sistematicas e tocarián de corrièrs electronics, de messatges de tèxt de telefòn mobil e de convèrsas sus Internet. Çò que s’arribariá d’espionar en Alemanha se salvagardariá dins lo sèti central de l’NSA, a Fort Meade.
Indignacion de l’Union Europèa
Lo president del Parlament Europèu, Martin Schultz, reagiguèt ièr amb fòrça. Schultz diguèt que se sentissiá en estat de chòc. “En cas qu’aquò siá cèrt, coma representant d’un organisme europèu, me sentissi tractat coma un enemic”.
Schultz vesiá d’intencions economicas: “l’Union Europèa es pas una poténcia militara, la sola explicacion es d’escotar los debats d’estrategia economica de l’Union e dels sieus membres per rapòrt al mercat estatsunidenc”.
Aquel afar pòt afectar las relacions entre Euròpa e los Estats Units. Schultz a exigit d’explicacions a Obama. De son costat, la comissària de la Justícia, Vivianne Reding, metèt en evidéncia qu’“es malaisit de far un acòrdi de liure comèrci amb los estatsunidencs quand i a de suspicions d’espionatge”, e mai se los interessats en aquel liure comèrci son los europèus.
L’indignacion arribèt tanben a d’estats espionats, coma França e Alemanha, que condemnèron aqueles procediments.
E aquò es pas tot. Segon Der Spiegel, i poiriá aver de païses aliats dels Estats Units que serián pas espionats: Canadà, Austràlia o lo Reialme Unit.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fòrça risolièr aquel afar : quora los EU espionan lo pòble europenc, pas un elegit per s'esmoùre…
Mas… quora son las institucions francesas que son espionadas pels EU, aquí, ven escandalós !
>>> lol.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari