Bandièra01 1180x150: Comuna de Tolosa

Actualitats

D’afrontaments mortals en Egipte

Un trentenat de mòrts e de centenats de ferits en divèrsas vilas. Es detengut lo segond dels Fraires Musulmans

Mai de trenta personas son mòrtas en Egipte dempuèi divendres, pendent los afrontaments entre detractors e partisans del president reversat, Muhammad Mursi. Los Fraires Musulmans avián fach una crida a un “divendres de refús” e a sortir per carrièras per manifestar contra lo còp d’estat. I sortiguèron tanben los que son contra Mursi, e los afrontaments entre los unes e los autres comencèron après que l’armada tirèsse amb fuòc real contra los manifestants pròMursi, qu’anavan cap al quartièr general ont l’èx-president es detengut.
 
I a agut de mòrts al Caire e tanben dins la vila d’Alexàndria, en mai dels centenats de ferits. Los afrontaments entre los partisans e de detractors del còp d’estat se son alongats pendent tota la dimenjada, amb de pèiras, de fuòcs de Bengala e de balas de petit calibre.
 
D’un autre costat, segon l’agéncia estatala de nòvas egipciana, MENA, lo numèro dos dels Fraires Musulmans, Khayrat Ash Shatir, foguèt detengut e acusat de promòure la violéncia. I a ja d’autres dirigents dels Fraires Musulmans detenguts dempuèi lo còp d’estat de dimècres, que nomenèt president interimari lo cap del Tribunal Constitucional, Adli Mansur.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

pèire cardenal sivergues 84400
1.

oblidem pas aquesta definicion d'Eric Zemmour :l'islamisme ei lo comunisme ambe Dieu e lo govèrn dei fraires musulmans ne faguèt la demostracion: volontat d'instaurar la chariah jonh ambé una incapacitat congenitala de regir leis afaires d'aquéu monde. ara, l'armada afairista sostenguda per leis Estats-Units a repres lo poder, mai lo vou transmetre a una societat civila e luchant contra lei fraires evita una guerra civila que menaçava; de qué pot arribar ara ? s'acabarà ben ambe una deùmocracioa relativa apielada per lei militaris ? se ou sabetz, fetz me o assaubre...

  • 0
  • 2

Escriu un comentari sus aqueste article