CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 22 de setembre

Actualitats

Diluns, 8 de julhet de 2013, 03h00 Politica,Lenga

L’occitan fèi son entrada dens lo tram de Bordèu


Comentaris 12 comentaris    
Marrit Flac Bon Plan bon Fabulós (9 vòtes)
carregant En cargar



© NeiTech





Àudios
Etiquetas
bordèu, occitan, tram

Praus qu’an coneishut l’ambient de l’aire Chaban-Delmàs, la novèla sembla una petita revolucion: l’occitan fèi son entrada dens lo tramvai de Bordèu. Segur, ende començar, es d’una faiçon ben modèsta que la lenga pròpria de Bordèu poirà estar ausida capvath las estacions de la TBC (Tram e Bus de la CUB).
 
Dens lo quadre de l’Estiu Metropolitan, larg projècte d’accion culturau volut per la Comunautat Urbana de Bordèu (CUB) los mes de junh, julhet e aost, 22 messatges de benvenguda dens 22 lengas diferentas, totas parladas dens la CUB, esturen enregistrats. Seràn difusats a la coda-li-coda dens lo tramvai a ringlants jorns. Mercís a la volontat dau director de l’IEO 33-Ostau Occitan, Patrici Formage, qu’estut convengut que l’occitan i seré representat.
 
Sembla estar una evidéncia, mès lonh d’aquò, es au contra un eveniment màger encara gaire imaginable i a petit de temps. Aqueth messatge, enregistrat a duas votz (volontat de l’organizacion), desira la benvenguda aus visitaires de la CUB en gascon bordalés. Una gojata de la Calandreta de La Dòna, a Peçac, e Dàvid Escarpit, ensenhaire d’occitan a l’IEO, esturen los qui prestèren sa votz per l’enregistrament dau messatge.
 
A maugrat que la comunicacion de la CUB sus aqueth projècte empleguèssi lo tèrme malurós de “lengas estrangèiras”, sens enlòc precisar que l’occitan, lonh de n’estar, es au contra la lenga dau país, l’iniciativa merita d’estar egau saludada a causa dau tabó que permet de capvirar, e de la lei dau silenci, enfin chambertada. L’enregistrament se pòt trapar ací.
 
L’idèa es qu’aqueth permèir assai pusqui dubrir la pòrta au projècte màger pertocant l’occitan dens l’espaci public bordalés: l’enregistrament de las estacions de las tres linhas de tramvai de la CUB integrament en occitan. Los noms de las estacions son ja restaurats, e la lista espèra adara au burèu de Vincenç Feltesse, president de la CUB, en qui los occitanistas bordalés plaçan frem d’espèrs.
 
Lo projècte hèi partida daus chantièrs daus mes venents a Bordèu. Lo Pòrt de la Luna es tornat dens son país.
 
 
 
 
Dàvid Escarpit



publicitat
BANER1-2-3: DGPL AN LAFONT



Comentaris

29 d'agost 22.15h

Òsca e mercés


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

16 de julhet 09.41h

Aquò venguerà, aquò venguerà... Fau que los frairs de Tolosa se gardin paciéncia e coratge. L'occitan es una evidéncia a Tolosa, e la logica s'escaderà a trionfar.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

16 de julhet 09.01h

A tots que s'enmalissen contra l'estatut d'egalitat damb las lengas estrangèiras de l'occitan dens lo tram bordalés, harí mantuna remarca :

- L'occitan, a Bordèu coma dens 95% d'Occitania es mens qu'una lenga estrangèira... Mens respectat, mens ausit, mens parlat. La realitat sociolingüistica d'una vila coma Marsilha, es duas centenas de lengas eurasianas e africanas, mès pas mei briga lo provençau. Lavetz obtenir qu'una collectivitat acòrdi ne seré que l'egalitat de l'occitan damb ... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

10 de julhet 10.17h

Be n'i a hartèra d'aqueths messatges en anglés e en espanhòu dens lo mètro de Tolosa !!! E perqué ne son pas hèits en occitan ?


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

10 de julhet 00.11h

Jo també penso que l'occità és tractat com una llengua estrangera, com totes les que figuren a la llista on, per cert, no s'hi troba cap més llengua pròpia de les nacions que, avui, encara pertanyen a França. Si mirem l'ampolla mig plena podem creure que la inclusió de l'occità és un avenç. Jo que considero l'occità l'única llengua pròpia dels occitans no puc ni vull acceptar que la nostra llengua no només no estigui almenys en peu d'igualtat amb la llengua pròpia de l'Illa de Fr... Legir mai


Valoriza aqueste comentari:   votar positiu 2   votar negatiu 2
Respondre comentari replica Comentari inadeqüat   Formulari d'abús de comentari

9 de julhet 10.06h

#6

Çò passat es passat. Cal veire l'avenir d'ara enlà: e cresi que i a de monde dedins l'occitanisme tolosan que poirián margar quicòm amb Tisseo (subretot quora coneisson de mond que trabalhan ailà, e pas a un pichon nivèl en mai d'aquò !).
Per ne tornar al subjècte, es fòrça plan per Bordèu: ÒSCA !


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

8 de julhet 20.35h

la primièra peticion per l'occitan dins lo mètro es estat refusada per tres militants occitanistas...


Valoriza aqueste comentari:   votar positiu 4   votar negatiu 4
Respondre comentari replica Comentari inadeqüat   Formulari d'abús de comentari

8 de julhet 16.27h

#4 A Tolosa sèm partits sus de bonas basas es a dire cap al bilingüisme mes ara ne sèm pas mai fotuts d'avançar amb l'occitan dins lo trambalan, vòli pas balhar de leiçons mes sonque dire que tota avançada es bona de prendre se va dins lo bon sens, metre l'occitan al nivèl de las lengas estrangièras me sembla dangerós. La question es d'aver d'ambicion e de se balhar per aquò las capacitats d'un rapòrt de fòrça sus elegits e donc d'obténer d'elegits nombroses a las eleccions mun... Legir mai


Valoriza aqueste comentari:   votar positiu 4   votar negatiu 1
Respondre comentari replica Comentari inadeqüat   Formulari d'abús de comentari

8 de julhet 16.02h

#3 Vos qu'avetz hèit ?
Au mensh los bordalés qu'an aquiu la possibilitat d'enténer la lenga, per un còp, non ?
Los vòstes principis, en aténder, que mian au tot franchimand.
E credetz qu'èm en situacion de har la fin boca ?
Be cau marcar punts entà ganhar la partida ! Se'ns contentam de comentar lo match, e mei que mei shens jogar, qu'èm fotuts !


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Jornalet en papièr: la seguida

Dijòus passat a Carcassona, la còla de Jornalet anoncièrem l'intencion de tornar publicar una revista en papièr per l'an 2020. Nòstra idèa es de publicar ...
giny

Lo temps

Mapa
  • sol Agen 15
  • sol Aush 16
  • sol Bordèu 16
  • sol Briançon 13
  • sol Caors 14
  • sol Carcassona 17
  • sol Clarmont-Ferrand 13
  • sol Confolent 14
  • sol Gap 9
  • sol La Canau 17
  • sol La Gàrdia 23
  • sol Limòtges 14
  • sol Lo Borg Sant Dalmatz 14
  • sol Lo Puèi de Velai 13
  • sol Marselha 20
  • sol Montpelhièr 18
  • sol Naut Aran 14
  • sol Niça 19
  • sol Nimes 18
  • sol Pau 16
  • sol Peireguers 14
  • sol Rodés 16
  • sol Tolon 16
  • sol Tolosa 16
  • sol Valença 15

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Mónego, Bersorèlh e 'A Torbia sota 'a nèu. © Artusa Garavan

    Mónego, Bersorèlh e 'A Torbia sota 'a nèu

  • Era còlha dera ADÒC ath trabalh

  • Mentan

  • © Franc Bardòu

    Asuèlhs de Lauragués

  • Irissa: prumèra edicion dera corsa populara de BTT

  • © Laurenç Revèst

    Val de la Tiniá

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Iñaki Delaurens

    Val d'Aran

  • © Franc Bardòu

    Tresaurs andorrans

  • © Aure Séguier

    Carnaval Biarnés 2017

  • © Aure Séguier

    Carnaval Biarnés 2017

  • Barcelona. © CAOC

    18a Dictada Occitana

  • © Laurenç Revèst

    Mónegue

  • Julien Cazenave

    17.02.2019: manifestacion a Brussèlas en sosten als independentistas catalans

  • © Laurenç Revèst

    Auribeu de Sianha

  • © Laurenç Revèst

    Menton, 'a vivaroalpenca maritima

  • Musèu de Terra Mata, Niça, mai anciana traça de fuec au monde

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • Niça vièlha en occitan niçard. © LR

    Niça vièlha en occitan niçard

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Tornariás sosténer una edicion de Jornalet en papièr en 2020?


59%



28%



13%




Vots 32 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)