Aprèp la desbaruta dels Dracs la setmana passada cò dels Gigants d’Huddersfield (60-16), la formacion catalana agèt dreit a quauquas explicacions de tèxte de l’enquadrament tecnic e se deviá reprene fàcia als darrièrs de la competicion, los London Broncos, aqueste dissabte 6 de julh dins la calorassa estivenca de Brutus. Tot se passèt plan dins lo primièr temps: marca de 28-4 pels sang e aur amb l’arrièr Morgan Escarré que se mostrava decisiu e incisiu; una relança de 50 mètres, un ensag en prene a contrapè la defensa anglesa e un autre aprèp una corsa de 60 mètres sus una pauma recuperada.
Dins lo segond temps, los Dracs marquèron d’entrada: 34-4, 30 punts d’avança. E aquí, en plaça de s’afartar per la diferéncia dels punts, tornèron tombar dins las fautas de man, las aproximacions e las errors defensivas. Los londinencs ne profitèron dins lo darrièr quart d’ora per tornar a portada: 34-28. Urosament, la còrna restontiguèt.
Caldrà sortir una partida d’un autre ample aqueste dissabte 13 de julh, a 5 oras del vèspre, amb la recepcion de l’Hull FC pel compte dels quarts de finala de la Cup. Per aqueles quarts, tre divendres, los London Broncos jogaràn cò de l’esquipa rescapada de League One, las Aglas de Sheffield. Dimenge, afrontament de tria entre Warrington e Huddersfield. Diluns, Wigan deuriá passar sus sa pelena l’obstacle dels Vikings de Widnes.
En Copa del Monde de XIII Fautuèlh, los Blaus son tre ara qualificats per las mièjas finalas aprèp las victòrias contra Anglatèrra (28-20) e Escòcia (154-2).
Pel primièr torn de la Copa Femenina, las femeninas poguèron res dins la partida contra las campionas del Monde neozelandesas: 30-0 a la pausa e 88-0 a la fin e Austràlia batèt Anglatèrra, 14-6.
Alan Roch
Dins lo segond temps, los Dracs marquèron d’entrada: 34-4, 30 punts d’avança. E aquí, en plaça de s’afartar per la diferéncia dels punts, tornèron tombar dins las fautas de man, las aproximacions e las errors defensivas. Los londinencs ne profitèron dins lo darrièr quart d’ora per tornar a portada: 34-28. Urosament, la còrna restontiguèt.
Caldrà sortir una partida d’un autre ample aqueste dissabte 13 de julh, a 5 oras del vèspre, amb la recepcion de l’Hull FC pel compte dels quarts de finala de la Cup. Per aqueles quarts, tre divendres, los London Broncos jogaràn cò de l’esquipa rescapada de League One, las Aglas de Sheffield. Dimenge, afrontament de tria entre Warrington e Huddersfield. Diluns, Wigan deuriá passar sus sa pelena l’obstacle dels Vikings de Widnes.
En Copa del Monde de XIII Fautuèlh, los Blaus son tre ara qualificats per las mièjas finalas aprèp las victòrias contra Anglatèrra (28-20) e Escòcia (154-2).
Pel primièr torn de la Copa Femenina, las femeninas poguèron res dins la partida contra las campionas del Monde neozelandesas: 30-0 a la pausa e 88-0 a la fin e Austràlia batèt Anglatèrra, 14-6.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
XIII-fautuèlh : França-Australia : 72-6
Los Blaus en mièja-finala contra lo País de Galas
Copa del monde feminina :
Australia-França : 72-0
NZ-Anglatèrra : 34-16
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari