Actualitats
Trentin: qué far amb l’orsa que tuèt l’esportiu Andrea Papi?
La justícia deu decidir se la tuaràn o la salvaràn. A tres orsalhons
Tèxte legit
Debat en Itàlia a prepaus de l’orsa que tuèt l’esportiu Andrea Papi quand fasiá d’espòrt en montanha al començament d’abril. L’orsa, apelada JJ4, a tres orsalhons, e se pausa la question de la tuar o la salvar. Dimars passat, las autoritats de la província de Trento capturèron l’orsa, puèi lo president de la província, Maurizio Fugatti, emetèt l’òrdre de tuar l’animal mas aqueste òrdre es estat empedit per la justícia italiana. Lo tribunal administratiu regional deu decidir, abans l’11 de mai, de la vida de l’animal.
De remembrar qu’Andrea Papi lo trobèron mòrt lo 6 d’abril passat, atacat per la bèstia, mentre que s’entraïnava per de corsas de montanha al Mont Peller. Aviá 26 ans e veniá d’èsser diplomat en educacion fisica.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari