Bandièra01 capçalera  1180x150: Novestivada

Actualitats

crotz-tolosaCreated with Sketch.GasconhaVal d'Aran

Era Acadèmia Aranesa e er Institut Cartografic de Catalonha comencen eth collectatge dera toponimia menora

Un acòrd entre es dues institucions comence eth trabalh de recèrca e documentacion d’aqueri toponims menaçadi de queir en desbrembe

Er Institut d’Estudis Aranesi-Acadèmia Aranesa dera Lengua Occitana (IEA-AALO) comence un projècte de recèrca sus era toponimia menora dera Val d’Aran. Entà hè’c an signat un acòrd de collaboracion damb er Institut Cartografic e Geologic de Catalonha (ICGC).

Segons aqueth acòrd, signat entre Miriam Moysset, directora der ICGC, e Jèp de Montoya, president der IEA-AALO, eth ICGC aportarà era tecnologia  e era formacion de besonh entara recèrca e incorporarà es bases toponimiques que facilite er IEA-AALO enes sues bases de nòms geografics. Er ICGC reconeish qu’er IEA-AALO ei era autoritat entara determinacion dera correccion des toponims aranesi e aportarà tota era tecnologia necessària entà hèr ua recèrca adequada. Es donades dera recèrca seràn proprietat des dues institucions.

Eth projècte de recèrca dera toponimia menora ei un projècte pluriannau que vò abastar tot eth territòri aranés e que vò recuélher aqueri nòms dera proximitat qu’en aguesti moments son mès menaçats de desaparicion, pera manca d’usatge.

Er ICGC ja a iniciat era formacion deth personau der IEA-AALO que s’encuedarà d’aguest recuelh.

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article