Bandièra01 1180x150: País Invisible

Actualitats

Sais: granda manifestacion contra l’autoestrada A69

Lo projècte que cèrca de reduire de 20 minutas lo viatge en veitura entre Tolosa e Castras es contestat pels ecologistas e païsans

Sais: granda manifestacion contra l’autoestrada A69
Sais: granda manifestacion contra l’autoestrada A69

Tèxte legit

Qualques milièrs de personas manifestèron dissabte a Sais (Castrés) en oposicion al projècte de l'autoestrada A69 Tolosa-Castras e ne demandèron l’arrèst immediat dels trabalhs. Los manifestants seguissián la crida del collectiu local que s’opausa al projècte sostengut per La Via es Liura, Extincion Rebellion, la Confederacion Païsana e los Soslevaments de la Tèrra.

Tanben i participèron d’elegits ecologistas, dont la deputada EELV Sandrine Rousseau, que reclamèt una “moratòria” sus la construccion de las estradas e autoestradas.

Lo projècte d’autoestrada A69 cèrca de reduire de 20 minutas lo viatge en veitura entre Tolosa e Castras. Los opausants creson qu’es totalament contradictòri amb l’urgéncia climatica, que farà desaparéisser de tèrras agricòlas e qu’aumentarà lo risc de concentrar mai de populacion dins la metropòli tolosana. Coma alternativa prepausan d'afortir la ligason ferroviària entre las doas vilas.

 

 

 

 

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article