Actualitats
França punirà pas pus los descargaments illegals en talhant l’accès a Internet
O farà per mejan de multas fins que i aja una lei nòva
Fins a dimars passat, la justícia francesa podiá talhar lo servici d’Internet als usatgièrs que descargavan illegalament de fichièrs amb dreches d’autor. Mas una reforma del govèrn publicada al Jornal Oficial (Journal Officiel) a abolit aquela nòrma.
Aital l’estat francés a suprimit una de las mesuras mai impopularas creada per la Nauta Autoritat de Difusion d’Òbras e Proteccion dels Dreches dins Internet (HADOPI segon sa sigla en francés), de majoritat conservatritz.
Tre ara, aquela infraccion se punirà amb de multas, en tot esperar un nòu tèxt legislatiu que la ministra de la Cultura, Aurélie Filippetti, vòl alestir aqueste estiu per que siá parlamentàriament tractat a la fin de l’annada o al començament de 2014.
Fins ara, la pena maximala teorica per los descargaments illegals d’archius èra una multa de 1500 èuros e un mes sens accès a Internet.
Dins la vida vidanta las sancions son estadas plan paucas. De fach lo procès comença amb un avertiment al transgressor, e solament en setembre passat se dictèt la primièra condemnacion a un internauta, que paguèt una multa de 150 èuros.
Aital l’estat francés a suprimit una de las mesuras mai impopularas creada per la Nauta Autoritat de Difusion d’Òbras e Proteccion dels Dreches dins Internet (HADOPI segon sa sigla en francés), de majoritat conservatritz.
Tre ara, aquela infraccion se punirà amb de multas, en tot esperar un nòu tèxt legislatiu que la ministra de la Cultura, Aurélie Filippetti, vòl alestir aqueste estiu per que siá parlamentàriament tractat a la fin de l’annada o al començament de 2014.
Fins ara, la pena maximala teorica per los descargaments illegals d’archius èra una multa de 1500 èuros e un mes sens accès a Internet.
Dins la vida vidanta las sancions son estadas plan paucas. De fach lo procès comença amb un avertiment al transgressor, e solament en setembre passat se dictèt la primièra condemnacion a un internauta, que paguèt una multa de 150 èuros.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari