Bandièra01 1180x150: País Invisible

Actualitats

crotz-tolosaCreated with Sketch.LengadòcLengadòc BasBesierés

Serinhan: l’escòla publica comprendrà un cursus bilingüe occitan-francés

Lo 12 de mai venent, se tendrà una reünion publica per informar las personas interessadas

Serinhan: l’escòla publica comprendrà un cursus bilingüe occitan-francés
Serinhan: l’escòla publica comprendrà un cursus bilingüe occitan-francés

Tèxte legit

L’escòla primària publica de Serinhan (Besierés) dobrirà un cursus bilingüe occitan-francés. Per n’assabentar las personas interessadas, lo cònsol màger de la vila convida a una reünion publica lo divendres 12 de mai, en preséncia del conselhièr regional Benjamin Assié. La comuna a recebut lo sosten de la region, del Ministèri de l’Educacion, de l’Ofici Public de la Lenga Occitana e de l’associacion Òc-Bi. La reünion se tendrà a 17h al Forum Marius Castagné.

 

 


Reünion publica sus l’obertura d’un cursus bilingüe occitan-francés
12 de mai de 2023 a 17h30
Forum Marius Castagné, 22 baloard Voltaire, 34410 Serinhan.

 

 


Jornalet a l'escòla

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…    

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Portugaliza Pau
1.

Hèra plan!
L'ensenhament que deu estar public e non pas privat!

  • 7
  • 5

Escriu un comentari sus aqueste article