Dempuèi aqueste 1r de mai, los ciutadans alemands se pòdon desenant desplaçar dins tot lo país, sens limit, en transpòrt public per 49 èuros mesadièrs, après que se constatèt lo succès de l’abonament de 9 èuros en agost passat. Aital se vòl combatre la crisi climatica e a l’encòp l’aument dels prèses del petròli. Aquel bilhet mesadièr de prètz minimal permet de viatjar en tren, autobús, mètro e tramvai, pels transpòrts urban e interregional de segonda classa.

Per tant, amb aqueste abonament los alemands pòdon anar d’una vila a l’autra o prene lo transpòrt urban arribats a la vila de destinacion.

Lo 25 d’abril passat, s’èra ja vendut mai de 750 000 abonaments e s’espèra que i aurà un total d’onze milions d’abonats.