Bandièra01 1180x150: País Invisible

Actualitats

crotz-tolosaCreated with Sketch.GuianaBordalésLa Grava

Bordèu: la justícia la considèra parcialament responsabla de sas nafras

Una bala LBD la toquèt sul copet quand passejava pel centre vila amb sa filha. Perdèt son emplec a causa de sas feridas

| @celmi909

Tèxte legit

Lo tribunal administratiu de Bordèu estima parcialament responsabla una femna nafrada per una bala LBD. Sophie Lacaille foguèt tocada sus la nuca lo 8 de decembre de 2018, quand se trobava près d’una manifestacion dels Gilets Jaunes. Las sequèlas de la fractura li faguèron pèrdre son trabalh. Ela voliá èsser reconeguda coma victima d’una error policièra mas ara se sent designada colpabla.

Sophie Lacaille a aperaquí 50 ans, es de Normandia e s’èra gandida a Bordèu per vesitar sa filha e ne festejar l’anniversari. Aquel jorn, lo tram foncionava pas a causa de las manifestacions, e maire e filha se desplaçavan a pè de Darwin al centre vila. Quand se trobavan pas luènh de la Plaça de Pèir Berland, davant l’ostal de la comuna, la visibilitat venguèt marrida pr’amor dels fums lacrimogèns. Lacaille foguèt tocada sul copet e s’estavaniguèt entre los braces de sa filha. Un pompièr volontari li portèt socors e puèi foguèt menada a las urgéncias.

Sophie Lacaille depausèt una denóncia contra X per nafras involontàrias. Segon la direccion nacionala de la polícia, es pas estat possible d’identificar l’agent que tirèt sus ela. Lo dorsièr foguèt archivat sens seguida. Ara la justícia estima qu’es responsabla dels faches per un 25%.

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article