L’istorian italian Silvano Vinceti auriá identificat definitivament l’endrech ont Leonardo da Vinci pintèt Monna Lisa. S’agiriá del pont Romito, un pont etruscoroman situat a Laterina, un vilatge toscan de la província d’Arezzo.

Lo cercaire fonda sa tèsi sul nombre d’arcs del pont, qu’èran quatre. Ara ne demòra un mas, segon Vinceti, lo pont èra en plen foncionament entre 1501 e 1503,  quand se pintèt lo celèbre tablèu servat al musèu parisenc del Louvre. Amb aquò, lo cercaire deslegitima las autras teorias que localizavan lo païsatge del retrach a Buriano o a Bobbio, qu’avián mai de sièis arcs.

Un autre argument de la tèsi de Vinceti es lo restacament de Da Vinci al terraire: “I a de documents istorics que certifican que Leonardo residissiá sovent a Fiesole en aqueles ans, amb un oncle prèire”.

Silvano Vinceti estúdia dempuèi longtemps Monna Lisa, coneguda en Itàlia coma “La Gioconda”. Aviá ja dich fa de temps que Da Vinci se serviguèt d’un modèl masculin per far lo retrach e soslinhèt l’importància dels uèlhs de la gojata per resòlver las enigmas de la pintura.

A distanza di oltre 5 secoli la Gioconda,uno dei dipinti più celebri ed enigmatici al mondo,continua a disvelare i suoi misteri.”È il ponte Romito di Laterina, Arezzo,quello che Leonardo da Vinci dipinse nel paesaggio alle sue spalle”.Lo rivela una ricerca dello storico Vinceti. pic.twitter.com/lGzCCTqPWv

— Franco Scarsella (@FrancoScarsell2) May 3, 2023

Obra Maestra

El lugar donde Leonardo #DaVinci pintó La #Gioconda es el #puente etrusco-romano "Romito di Laterina" en la provincia de Arezzo. Lo confirmó 5 siglos después el historiador Silvano Vinceti. Entre 1501/03 era muy transitado pero actualmente sólo queda un arco.
Italia pic.twitter.com/PI3xoXvdyo

— Realidad Distópica (@RDistopica) May 5, 2023