Bandièra 1 e 5 1180x150: Ben Aisit Bausen 17

Actualitats

Un escambi occitanocatalan de liceans escaijut

30 gojats de l’Isla de Baish e Girona se rescontrèn

Hè quasi 15 ans que se hascoc pas mès un escambi occitanocatalan en familha a l’Isla de Baish (Savés). Es a díser que deu 27 au 31 de març, escolans d’occitan recebón dins la lor familha correspondents catalans. Deu 16 au 21 d’abriu, èran los joens lisleses qu’angón dins familhas gironinas. Aqueres viatges estón organizats per Nicolau Rei Bèthvéder e Sandrina Boussès, deu costat occitan, e per Marta Pasqual e Montserrat Camps deu costat deu Principat. L’idèa, au delà deu castelhan e francés que tots estúdian, es de crear vertadèras amistats.

Aqueste escambi, que remonta a 2000, permet aus nòstes joens de véser los ligams pregonds qu’existishen entre aquestas duas lengas sòrs. Bastir Euròpa comença per comprénguer que los nòstes vesins nos semblan.

Tanben podón constatar las diferéncias e las semblanças de la situacion lingüistica catalana damb la nòsta: lo catalan se compreng facilament e, pr’amor que lo catalan es oficiau, la preséncia de la lenga cosina es plan mès fòrta que la nòsta.

Au delà de la participacion deus gironins aus corses deu licèu Josèp Savèrna de l’Isla de Baish e deus joens gascons aus de l’institut Narcís Xifra de Girona, estoc lo parat de visitar lo parçan. Los catalans visitèn Aush, damb G. Nosella coma guida, la Ciutat de l’Espaci e solide Tolosa gràcias aus liceans de F. Mercadièr de St Sarnin. Los occitans vejón l’ostau de Dalí a Port Lligat, Empúries, la Sagrada Familha, lo Parc Güell e lo vielh Girona.

Tot aquò èra dins l’encastre d’Erasmus, volut per Euròpa, e la participacion de las familhas, en recéber lo lor correspondent, permetoc de limitar la còsta deus viatges a 112 èuros per persona.

Après aquesta aventura umana escaijuda, tots parlan de tornar hèr un escambi de la medisha traca en 2024.

 

 

 


Jornalet a l'escòla

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…    

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra01 1180x150: País Invisible

Comentaris


I a pas cap de comentari

Escriu un comentari sus aqueste article