Bandièra01 1180x150: Comuna de Tolosa

Actualitats

De centenas de mòrts pels aigats dins l’èst de la Republica Democratica de Còngo

La chifra provisòria èra diluns de 390 mòrts mentre que contunhan los trabalhs de recèrca e salvament

Dins la catedrala de Nòstra Dòna de Còngo a Kinshasa, organizèron diluns una messa per rendre omenatge a las victimas
Dins la catedrala de Nòstra Dòna de Còngo a Kinshasa, organizèron diluns una messa per rendre omenatge a las victimas | 7sur7.cd

Tèxte legit

Environ quatre cents mòrts es lo tragic bilanç dels aigats qu’a patit l’èst de la Republica Democratica de Còngo.

Thomas Bakenga, administrator del territòri de Kalehe, situat dins la província de Kivu Sud, soslinhava diluns que la chifra provisòria èra de 390 mòrts mas qu’aquel nombre semblava d’aumentar mentre que contunhavan los trabalhs de recèrca e salvament.

Bakenga precisava que mai de 270 personas èran ja enterradas en Kalehe. D’autre latz, lo jornal en linha 7sur7 especificava que de desenas de cadavres encara flotavan sul lac Kivu. Las inondacions an tanben daissat mai de 205 nafrats grèus e mai de cent desapareguts.

De l’autre costat de la frontièra, Rwanda comptava 127 mòrts e Oganda 6 en consequéncia dels aigats.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article