Reclams ven de publicar Paraulinas, de l’escrivana bearnesa Eva Cassagnet, un libre qu’amassa 21 poesias totas illustradas per la quita autora. Un còde QR acompanha cada tèxt devèrs un petit vidèo d’illustracion.

S’agís de la 4a òbra infantila de Cassagnet après La Mosca, Mès on ei? e D’on vienen las estelas?, e es tanplan la primièra que la publica Reclams, qu’o fa dins la categoria “literatura de joenessa” en tot mostrar una volontat novèla d’anar devèrs un public occitanofòn jove.

Eva Cassagnet cultiva la passion de l’escritura e del dessenh dempuèi l'enfança. Sa profession d’ensenhaira bilingüa occitan-francés la mena a crear e illustrar de contes, de poesias, d'istòrias de literatura de joventut per abordar d'un biais original de tèmas plan diferents.

Paraulinas se presenta uèi a l’Abadia der Escaladiu (Baronias Gasconas) dins l’encastre del festenal Eras escalas de printemps.

CASSAGNET, Eva. Paraulinas.Reclams 2023. 50 paginas. 12 èuros.
De comandar a Reclams: reclamsedicions@gmail.com