Dissabte 3 de junh, la Vaur aculhirà la primièra edicion del festenal “En esperar l’estiu” dins l’encastre del Total Festum 2023. La tòca de l’eveniment es de far la fèsta e de  visibilizar la lenga e la cultura occitanas en sos aspèctes istoric e patrimonial mas tanben e sustot en sa capacitat de se reïnventar, d’evoluir e de viure amb son temps.

Lo programa es pensat per totòm, los pichons, las grands, los passionats, los curioses, los golards, los dançaires, e de segur, los melomans pel bal grand del ser amb la Talvera.

L’eveniment es coorganizat per las associacions culturalas Vauré’Òc de la Vaur e Cultura Viva de Becièras que sostenon las calandretas de lors vilas respectivas. Totes los actes del programa son gratuits, dobèrts a totòm, e los beneficis anaràn a las calandretas de la Vaur e Becièras.

Rendètz-vos lo dissabte 3 de junh a partir de 14h al jardin de l’Evescat, amb un replec al mercat cobèrt d'Occitània en cas de pluèja.

Lo programa

• 14h00: dobertura del festenal
• 14h30: obradors pels pichons, fabricacion d’un instrument amb Marine Crouzillac
• 16h00: mesa en practica de l'instrument fabricat, cants e danças pels enfants
• 15h00: cants e danças tradicionals amb l’IEO de Tarn.
• 17h00: “La Passion”, trapèzi flamenco amb Xyomara
• 18h00: concèrt e balèti occitan amb Zinga Zanga
• 21h00: concèrt-bal amb la Talvera
   
• Pendent tota la jornada, en accès liure, i aurà lo duo borlesc tot-terren dels Kirlz, un mercat dels artisans e productors locals, de jòcs de fusta pels enfants, un espaci librariá, una beguda e una petita restauracion.