Actualitats
Bedós: un filme documentari de 1976 jamai difusat en sa version originala en occitan
La projeccion serà introducha per Michel Feltin-Palas e i assistiràn los ancians escolans del filme
Tèxte legit
Deman, dimècres 17 de mai, se projectarà a l’anciana gara de Bedós (Vath d’Aspa) un filme excepcional. S’agís d’un documentari rodat en aquela val bearnesa per Antenne2 en decembre de 1976 amb una classa de mainatges. Lo filme abòrda las problematicas de la vida vidanta dins las vals pirenencas dins los ans 1970. Un document unic jamai difusat en sa version originala en occitan.
La vesprada l’introduirà Michel Feltin-Palas, redactor en cap del jornal L'Express, autor, conferencièr e especialista jornalistica de las lengas de l’estat francés. La projeccion serà seguida d'una discussion dobèrta a totes los participants, dont los ancians escolans presents dins lo reportatge e lor professor d’alavetz, Jaquèish Roth.
Rendètz-vos deman, 17 de mai de 2023, a partir de 18h a l’anciana gara de Bedós, bar-restaurant Transhmance & Cie. Per tal d'organizar al melhor la serada, sètz pregats de vos inscriure al +(0)5 59 13 06 40 o per internet sus aqueste ligam. L’inscripcion es gratuita e l’eveniment es dobèrt a totòm.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo CIRDOC es de denalt de l'aficha, son eles que o an pogut recuperar dinc la version originala? Lo botaràn segurament en linha s'aquò's atau.
Quo-es possible de z-o trapar sobre internet ?
Genhèc!
Aqueth restaurant qu'ei tiengut per monde occitanofòns, be s'i pòt ausir l'occitan tostemps ;-)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari