Bandièra01 1180x150: País Invisible

Actualitats

Turquia: situacion d’incertitud a prepaus de l’eleccion presidenciala

Los resultats oficials autrejan una victòria estrecha a Erdoğan e l’oposicion assegura que las donadas son falsificadas. Fin finala, caldrà anar al segond torn

Tèxte legit

Situacion d’incertitud en Turquia a prepaus de l’eleccion presidenciala. Los resultats oficials autrejan una victòria estrecha a l’actual president, Recep Tayyip Erdoğan, fàcia a Kemal Kılıçdaroğlu, mas l’oposicion assegura que las donadas son falsificadas e que caldriá anar al segond torn. Fins finala, caldrà anar al segond torn.

Lo comptatge dels vòtes lo fa l’agéncia estatala Anadolu. Los cònsols màgers d’Istambol e Ankara, Ekrem İmamoğlu e Mansur Yavaş, respectivament, se son mostrats fòrça critics envèrs Anadolu, dison qu'a pas bona reputacion e an demandat als ciutadans que se fisen pas d'el. Per contra, lo pòrtavotz del partit AK d’Erdoğan a assegurat als mèdias que lo comptatge dels vòtes es transparent.

Las eleccions son estadas caracterizadas a la fin per un viatge imprevist d’Erdoğan a Ankara, mentre que, de costuma, se gandís a Istambol per esperar los resultats de las nuèches electoralas.

 

D’observaires internacionals detenguts

 

La polícia turca a retengut per los interrogar almens dos observaires internacionals, segon nòstras informacions. S’agís del deputat basco Jon Iñarritu d’EH Bildu e la catalana Isa Chacón, la secretària nacionala de la CUP. Los dos fasián partida de la delegacion europèa organizada pel Partit Democratic del Pòble HDP, la principala formacion pròcurda en Turquia.

De fach, tres setmanas abans l’eleccion presidenciala, l’HDP denoncièt la detencion d’una centenas d’avocats, de jornalistas, de directors de campanha e de proprietaris d’estampariás que collaboravan amb la campanha electorala.

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article