Bandièra01 capçalera  1180x150: Novestivada

Actualitats

De jogadors del Tolosa FC e d’autras esquipas an refusat de cargar un malhòt contra l’omofobia

Rebutavan l’iniciativa de la liga francesa de fotbòl, que cada an consagra una jornada a participar al Jorn Mondial contra l’Omofobia e la Transfobia

la Liga Francesa de Fotbòl consagra cada an una jornada a participar al Jorn Mondial contra l’Omofobia e la Transfobia
la Liga Francesa de Fotbòl consagra cada an una jornada a participar al Jorn Mondial contra l’Omofobia e la Transfobia | A. Martin / L’Équipe

Tèxte legit

Cinc jogadors del Tolosa FC, ganhaire de la Copa de França, refusèron de jogar dissabte la partida de liga per cargar pas lo malhòt contra l’omofobia.Se tractava d’una iniciativa de la Liga Francesa de Fotbòl, que cada an consagra una jornada a participar al Jorn Mondial contra l’Omofobia e la Transfobia, que se celèbra deman 17 de mai.

S’agís de Zakaria Aboukhlal, Moussa Diarra, Farès Chaïbi, Logan Costa e Saïd Hamulic, çò rapòrta La Dépêche. Pasmens, Logan Costa o a desmentit a Le Parisien en assegurant qu’es contra l’omofobia.Dins un comunicat, lo Tolosa FC a decidit d’escartar aqueles jogadors mas ramenta son “engatjament de longa data contra l’omofobia e totas formas de discriminacions”.

A mai, tanben lo jogador del club de Nantas Mostafa Mohamed refusèt tanben de jogar amb lo malhot antiomofobia. En Liga 2, lo fotbolaire Donatien Gomis, de Gwengamp, volguèt pas tanpauc jogar durant aquela jornada.

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article