Bandièra01 1180x150: Comuna de Tolosa

Actualitats

Los servicis d’espionatge russes an recuperat las vièlhas maquinas d’escriure per redigir de rapòrts secrets

| themostinept

Lo Servici Federal de Proteccion (SFO) de Russia, que s’encarga de la seguretat del país, a decidit de tornar emplegar de maquinas d’escriure per evitar de fugidas a travèrs de mèdias numerics.


Après las revelacions de l’èx-tecnician de la CIA Edward Snowden e de las informacions de Wikileaks, los servicis secrets russes an ja recuperat un vintenat de maquinas d’escriure, segon lo jornal Izvestiia. D’expèrts en seguretat an declarat al jornal qu’aquel procediment, qu’èra ja d’istòria, l’emplegan ara los servicis secrets de divèrses païses e d’autras administracions publicas que trabalhan amb de documents confidencials, dempuèi l’“Afar Snowden”.
 
“Del ponch de vista de la seguretat, tot tipe de telecomunicacion electronica es vulnerable. Amb un ordenador se pòt captar quina informacion que siá”, çò declarèt a Izvestiia lo deputat Nikolai Kovaliov, èx-director del Servici Federal de Seguretat rus, qu’èra abans lo KGB. “Se prioriza lo mejan mai primitiu: la man de l’òme o la maquina d’escriure”, çò apondiá.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article