Bandièra01 1180x150: Comuna de Tolosa

Actualitats

L’Euroregion Pirenèus-Mediterranèa coordena dos projèctes transfrontalièrs amb la participacion d’associacions occitanas e catalanas

Lo projèctes comptan tanben sus la participacion d’associacions de las illas Balearas e d’Andòrra

L’Euroregion Pirenèus-Mediterranèa coordena dos projèctes transfrontalièrs amb la participacion d’associacions occitanas e catalanas
L’Euroregion Pirenèus-Mediterranèa coordena dos projèctes transfrontalièrs amb la participacion d’associacions occitanas e catalanas

Tèxte legit

Dos projèctes impulsats per d’entitats nòrd-catalanas, jonchas per d’associacions de las illas Balearas, de Catalonha, d’Occitània e tanben d’Andòrra, an participat ensems a una amassada d’iniciativas transfrontalièras de tot l’airal pirenenc.

Coordenadas per l’Euroregion Pirenèus-Mediterranèa (EPM), mai de trenta participants d’aqueles projèctes transfrontalièrs se gandiguèron l’11 de mai a Jaca (Aragon) per una reünion que serviguèt tant per presentar l’estat d’execucion coma per metre en contacte las entitats beneficiàrias de las ajudas autrejadas amb las divèrsas administracions representadas. Pr’amor que comencèron en junh d’arunan, qualques unes d’aqueles projèctes son ja finalizats e d’autres se tròban en un estat d’execucion avançat.

S'agís dels projèctes AGROECOPYR, que promòu d'escambis agroecologics transpirenencs, amb la participacion de l’entitat Arbre e Païsatge 66;  e de SOSPYR, sus la biodiversitat e lo cambiament climatic dins los Pirenèus, amb l’Associacion Environamentala Pirenèus Èst.

Un total de vint-e-cinc projèctes de l'ensems dels Pirenèus son estats impulsats dins l’encastre de la convocacion de cooperacion transfrontalièra entre los estats espanhòl, francés e andorran. A l'amassada a Jaca, a mai dels responsables de l’Euroregion Pirenèus-Mediterranèa, participèron de representants de las administracions associadas de Catalonha, d’Andòrra e dels departaments de Nauta Garona, d’Arièja e dels Pirenèus Orientals.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article