Bandièra01 capçalera  1180x150: Botiga

Actualitats

Era cantaira aranesa Lúcia Mas torne as emponts

Dempús de dètz ans d’inactivitat, a hèt un concèrt en encastre deth “Mai Aranés” qu’organize era Universitat de Barcelona

Era cantaira aranesa Lúcia Mas torne as emponts
Era cantaira aranesa Lúcia Mas torne as emponts

Tèxte legit

Dempús de dètz ans d’inactivitat, eth passat diuendres dia 19 de mai, Lúcia Mas hec un concèrt en encastre deth “Mai Aranés” qu’organize era Universitat de Barcelona entà sostier es corsi d’occitan-aranés que comencèren hè dus ans ena madeisha universitat.

Lúcia Mas comencèc a cantar en occitan d’Aran en 1989, an en quau guanhèc eth concors de cançon occitana des Valades Occitanes der estat italian. D’alavetz ençà, hec actuacions per tota Occitània e per tota Catalonha en tot difóner es sues composicions pendent mès de 20 ans.

En concèrt de diuendres passat enes jardins dera Universitat de Barcelona, interpretèc un totau de tretze cançons deth sòn repertòri mès coneishut. Era cantautora aranesa Alidé Sans, hilha de Lúcia, l’acompanhèc en dues pèces.

En encastre deth “Mai Aranés” dera Universitat de Barcelona tanben se realizèren dues conferéncies, ua de Xavier Gutiérrez sus Jusèp Sandaran e ua auta de Jèp de Montoya, president der Institut d’Estudis Aranesi-Acadèmia aranesa dera lengua occitana, sus es accions e programes dera institucion.

 

 

 

 

 

 

    

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article