Lo Centre Cultural Occitan d'Albigés cèrca un animator o una animatritz per un emplec de 22 oras per setmana sus plaça, al centre d’Albi a partir del 1r de julhet, s’es possible. Se recruta un animator o una animatritz segon la convencion collectiva ECLAT (IDCC 1518), grop D , e sos prètzfaches seràn los d’administracion generala de l’associacion, d'organizacion e de gestion de las activitats, de comunicacion, de gestion del sit, de comptabilitat, d'aculhença del public, etc. Se prepausa un contracte indefinit après un periòde d’ensag d’un mes. La remuneracion que se prepausa es segon l'indici 300 de la convencion mençonada adès.

Se desira que los candidats ajan, entre d’autras capacitats, la coneissença de las lenga e cultura occitanas, lo sens de las relacions, la capacitat de trabalh en esquipa, lo mestritge de las creacions visualas e graficas e dels logicials de burotica, etc.

Cal depausar las candidaturas per via postala al Centre Cultural Occitan d'Albigés - 28 Carrièra Ròchaguda - 81000 Albi, o ben per e-mail a centre-occitan-rochegude@orange.fr amb CV et letra de motivacion, en occitan s’es possible.