Bandièra01 1180x150: Comuna de Tolosa

Actualitats

Greenpeace a protestat en Tricastin

Los 29 activistas protèstan contra las fendilhas del reactor del sit e ne demandan lo barrament

Las fòrças de seguretat francesas arrestèron diluns passat los 29 activistas de Greenpeace qu’avián ocupat de matin la centrala nucleara de Tricastin. La tòca de l’accion èra d’atraire l’atencion del president de l’estat, François Hollande, a prepaus del barrament d’aquela centrala.
 
Lo de Tricastin “es un dels cinc sits mai perilhoses de França” segon los militants ecologistas, que despleguèron doas bandieròlas: una amb la fotografia d’Hollande que s’i podiá legir “President de la catastròfa”, e sus l’autra se disiá “Tricastin: accident nuclear”.
 
Pendent la nuèch se projectèt una fendilha sul reactor numèro 1 del sit per remembrar “totas las fendilhas que son estadas descobèrtas dins las installacions” d’aquel sit, segon un pòrtavotz de l’organizacion.
 
Un cinquantenat de gendarmas, un elicoptèr, una brigada de las CRS de nauta montanha e la gendarmariá arrestèron los 29 militants, segon lo Ministèri de l’Interior.



Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

jp la rapieta
2.

« Fromental: les anti-nucléaires font dérailler une loco » de legir sus lu Popularí dau centre :
http://www.lepopulaire.fr/limousin/actualite/departement/haute-vienne/2013/07/12/fromental-les-anti-nucleaires-font-derailler-une-loco-1625724.html

  • 0
  • 0
Aurelian
1.

Per lo títol: "e demanDan lo barrament", nani ? Si que non, que siam per o contra lo nucleari, vesèm que las accions de Greenpeace son tostemps d'escasudas. Fan çò que cal per que se'n parle dins los mèdias (e fonciona a cada còp !). Escason de far parlar de lor problematica fin finala.

  • 1
  • 0

Escriu un comentari sus aqueste article