Bandièra01 capçalera  1180x150: Botiga

Actualitats

Sud-Africa aculhiguèt dijòus passat una reünion del BRICS per preparar la cima d’agost venent

Pretòria garentís l’immunitat diplomatica dels assistents a la cima, dont Vladimir Putin

Tèxte legit

Los cancelièrs dels païses del BRICS (Brasil, Russia, Índia, China e Sud-Africa) s’amassèron dijòus passat a la Ciutat del Cap (Sud-Africa) per“impulsar un nòu multilateralisme”, analisar los eveniments globals e preparar la cima de caps d'estat e de govèrn d’aquel blòc economic que se tendrà del 22 al 24 d’agost a Johannesborg.

Sud-Africa es membre de la Cort Penala Internacionala e, per tant, deuriá arrestar Vladimir Putin en seguida del mandat d’arrèst que l'emetèt la Cort Penala Internacionala. Ça que la, lo govèrn sud-african a publicat un comunicat per garentir l'immunitat diplomatica de las personas qu'assistiràn a la cima del BRICS.

Brasil, Russia, Índia e China creèron en 2006 lo grop BRIC, que Sudafrica jonguèt en 2010. S’agís d’una organizacion internacionala de cooperacion economica.

 

 

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article