Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'AranCastièro

Aran: mès d’ua centea de persones an realizat es examens oficiaus d’occitan aranés

Era acreditacion de coneishements dera lengua nòsta ei ua requeréncia entà diuersi emplecs enes administracions publiques en Catalonha e sustot en Aran

Es professionaus deth departament de lengua deth Conselh Generau d’Aran e es professors des corsi an amiat a tèrme es examens des desparièrs nivèus
Es professionaus deth departament de lengua deth Conselh Generau d’Aran e es professors des corsi an amiat a tèrme es examens des desparièrs nivèus | Conselh Generau d'Aran

Tèxte legit

Mès d’ua centea de persones an realizat aguesti dies es examens des desparièrs nivèus d’occitan aranés, amiadi a tèrme peth Conselh Generau d’Aran. Deth nivèu A1, s’an examinat 46 persones, dont 8 deputats deth Parlament de Catalonha que seguissen un cors ena cramba catalana. Des auti nivèus 7 persones an hèt er examen der A2, 20 deth B1, 26 deth B2 e 25 deth C1.

Demiei es persones qu’an hèt es examens se trapen es alumnes des corsi d’aranés deth Conselh Generau d’Aran e gent que s’examine individuaument.

Era acreditacion de coneishements d’occitan aranés ei ua requeréncia entà diuersi emplecs enes administracions publiques en Catalonha, sustot en Aran. S’obten damb certificat oficiau emetut peth Conselh Generau d’Aran (CGA), qu'ei era administracion competenta, que tanben convòque annaument es espròves corresponentes per nivèus, cossent damb eth Quadre Europèu Comun de Referéncia (QECR).

D’arremercar qu’ena espròva deth nivèu C1 d’enguan i auie a comentar un tèxte en gascon lanusquet escrit per Joan Jacmes Fénié, collaborador abituau de Jornalet.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article