Bandièra01 1180x150: Comuna de Tolosa

Actualitats

Anecí: los quatre enfantons escotelats riscan la mòrt

Sièis personas nafradas dont quatre enfantons es lo bilanç d’una ataca amb cotèl

Anecí: los quatre enfantons escotelats riscan la mòrt
Anecí: los quatre enfantons escotelats riscan la mòrt

Tèxte legit

Sièis personas nafradas, dont quatre enfantons d’entre 2 e 3 ans, es lo bilanç de l’ataca amb cotèl que patiguèron ièr de matin dins un pargue de la vila d'Anecí (Arpitània). Los enfantons son dins un estat fòrça grèu e riscan la mòrt.

L’atacaire, arrestat per la polícia pauc après l’agression, sembla d'èsser un crestian d’origina siriana sens domicili fixe qu’aviá viscut dètz ans en Suècia ont obtenguèt l’estatut de refugiat. Lo ministèri public a escartat que s’agisca d’un atemptat terrorista e a dobèrt una enquista per “temptativa d’assassinat d’enfants”.

Los rets socials avián publicat un vidèo de l’ataca filmada per un passejaire amb un telefonet que tresvirèt l’opinion publica. Los mèdias e qualques rets socials n’an retirat, puèi, la publicacion.

La classa politica, mai que mai la drecha e l’extrèma drecha, assajan de recuperar l'eveniment dins lo debat per durcir legislativament las politicas migratòrias. De soslinhar las declaracions de la deputada macronista Aurore Bergé qu’a culpabilizat las oposicions del debat sus la reforma de las retiradas “quand de mainatges son en urgéncia absoluda”.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article