Lo prèmi Charles Cros 2023 a rendut un omenatge especial al cantador occitan Claudi Martí per l’ensemble de son òbra en soslinhant lo darrièr disc Retorn qu’amassa sas cançons mai miticas.

La prestigiosa acadèmia de critics e especialistas del disc a soslinhat lo ròtle de Martí dins los combat socials dels vinhairons lengadocians dins los ans 1970, lo Teatre de la Carrièra, la lucha de Larzac contra lo camp militar, dins la consciéncia de l’identitat occitana que “trobèt los mots per tot un pòble”.

L’Acadèmia Charles Cros li a fach aquel omenatge après li autrejar en 1973 un Grand Prèmi per son òbra Brassens en Òc.

Creada en 1947, l'Acadèmia Charles Cros es una associacion francesa que decernís dempuèi 1948 de grands prèmis que recompensan d’òbras musicalas enregistradas originalas e de qualitat dins los genres de la cançon e de la musica classica o populara, del jazz, etc. Tanben reconeis de libres remarcables dins lo domeni de la musicologia.