En collaboracion amb Ràdio Occitània, Jornalet prepausa cada dimenge una entrevista àudio del podcast de la ràdio tolosana. Aquesta setmana, escotaretz sus las ondas l’entrevista de Roman Brunel, dich Mr. Brun que parla de la naissença del labèl Varalh Prod e de la serada d’inaguracion que se ten uèi a partir de 20h30 al bar Les Ogresses de Tolosa.

Una polida chorma vos espèra per far fèsta. Uèi, 10 de junh, a partir de 20h30 al bar Les Ogresses, situat sus l’Avenguda de Murèth a Tolosa, d’mcs e de selèctas vos aprèstan un ragga-balèti dels simpatics amb los projèctes Transe-Òc Vinil Mix, Bombadissa Sistèma sonòr, Varalh Balèti e Kitsch Vinyl Mix. La mira: festejar amb vosautres la naissença del labèl Varalh Prod dins lo qual seràn totes recampats. Mai d’explicacions amb una de las cavilhas mestressas del Varalh, Roman Brunel aka Mr. Brun.