An destruch 39 menirs preistorics a Karnag (Bretanha) per bastir una botigassa de la cadena Mr.Bricolage, çò raportava dimècres passat Ouest France. Lo recercaire Christian Obelz o aviá avertit dins Sites & Monuments ont precisava que los menirs destruches avián una nautada d’entre mièg mètre e un mètre, qu’èran dipausats en doas rengadas de cinquanta mètres caduna e qu’acompanhavan dos tombèls neolitics.

La comuna assegura que la scietat aviá sollicitat en 2014 un permés per bastir la botiga en aquel endrech mas que foguèt rebutat a l’espèra d’un escavament arqueologic. L’escavament indiquèt qu’èra fòrça probable, mas pas segur, que i aguèsse una linha de menirs enterrats.

Uèch ans pus tard, Mr.Bricolage tornèt sollicitar lo permés per i bastir e aquel còp foguèt autorizada. La comuna assegura que l’instruccion se menèt a tèrme amb “la rigor maximala” e que la decision foguèt partejada per la Direccion Regionala dels Afars Culturals.

L’associacion Koun Breizh (“memòria bretona” en breton) a anonciat que depausarà una denóncia en justícia.

🇫🇷 FLASH - Le maire de #Carnac a accordé un permis de construire à un magasin Mr Bricolage sur un site archéologique, où 39 menhirs multimillénaires inscrits sur une liste indicative de l'UNESCO ont été détruits. (Ouest-France) pic.twitter.com/VmIiyEHhqI

— AlertesInfos (@AlertesInfos) June 7, 2023