Lo Parlament Europèu aprovèt dijòus passat las recomandacions del comitat qu’enquista sus l’espionatge de Pegasus, un mes après que s’adoptèt lo rapòrt final, que demanda a l’estat espanhòl d’esclarir l’espionatge dels seissanta cinc independentistas catalans susvelhats e d’i engatjar Europol.

Lo document compren explicitament de referéncias als independentistas catalans exiliats. Dins lo ponch 328, s’especifica que “d’accions legalas son a se far en França, Belgica, Soïssa, Alemanha e Luxemborg sus la vigilància dels separatistas catalans en exili”, e dins lo ponch 334, se ditz que “i aviá de discussions en cors a aquel moment sus l’estrategia del partit e los litigis internacionals qu’avián lors collègas encarcerats e exiliats pendent lo temps de las infeccions”.

Una mençon facha per la raportaira de las recomandacions, Sophie In’t Veld, sostenguda pel comitat e puèi pels deputats del Parlament Europèu; dins un prètzfach tot plen de pressions e manòbras de part de deputats e autoritats espanhòlas, que fan preveire que la referéncia es pas un azard.

Així mateix, no podem donar suport a un text que considera que el sistema judicial espanyol ofereix garanties i que genera un doble estàndard: reconeix la persecució política a Polònia, però no fa menció a la persecució de l'estat espanyol contra l'independentisme català. (3/6)

— Junts i Lliures per Europa (@JuntsEU) June 15, 2023