Bandièra01 capçalera  1180x150: Novestivada

Actualitats

Tragèdia a Kalamata: MSF crei pas la version dels gardacòstas de Grècia

Lo naufragi del 14 de junh passat es considerat coma una de las piègers tragèdias de l’istòria en Mediterranèa

Tragèdia a Kalamata: MSF crei pas la version dels gardacòstas de Grècia
Tragèdia a Kalamata: MSF crei pas la version dels gardacòstas de Grècia

Tèxte legit

Mètges Sens Frontièras (MSF) crei pas la version gardacòstas de Grècia segon la quala lo naviri que naufraguèt lo 14 de junh passat davant las còstas de Grècia auriá refusat d’èsser ajudat. Lo coordinator de salvaments d’MSF, Juan Matías Gil, diguèt a Catalonha Ràdio que la version oficiala “es pauc credibla” e que l’intervencion dels gardacòstas “se deviá produire fòrça abans”, car “lo nombre de personas que portavan pas cap de flotador èra naut” e i aviá pas degun sul vaissèl capable de lo pilotar. “S’après un accident per carrièras una persona sagnosa ditz quand arriba l’ambulància qu’a pas de besonh d’assisténcia, que farà l’ambulància? Tornarà a l’espital tot tranquillament o l'assistirà pr’aquò?”, çò apondèt. De soslinhar que lo naufragi es considerat una de las piègers tragèdias de l’istòria en Mediterranèa.

En mai d’aquò, Matías Gil afortiguèt que las barrièras legalas que las impausan los estats europèus empenhon las personas que fugisson de realitats insuportablas a decidir de riscar lor vida, e assegurèt qu’aquelas barrièras fan lo lièch de las màfias de trafec de personas. “S’aquelas personas aguèsson una alternativa, los trafegaires aurián pas cap de trabalh e deuriam pas plànher lo nombre de mòrts que son fruch d’aquelas politicas”.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article