Actualitats
Calandreta demanda de relançar la coordinacion Anem Òc per la lenga occitana
Dins un comunicat ont fa una crida a l’unitat d’accion de totes los collectius occitanistas, Calandreta demanda de reactivar la coordinacion Anem Òc, qu’organizèt quatre manifestacions reüssidas per la lenga occitana a Carcassona, Besièrs e Tolosa. E mai se compren los desacòrdis que se son debanats dins la coordinacion unitària, Calandreta prepausa un “Pache de Convivéncia e d’Espandiment” per menar a tèrme la coordinacion e organizar tornarmai de mobilizacions per la lenga e la cultura occitanas.
Lo burèu de la confederacion Calandreta, en seguissent lo mandat de l’amassada generala, crida a espandir totas las partidas compausantas de la coordinacion Anem Òc. Dins aquel sens declaran que l’avenidor de nòstra lenga e nòstra cultura a besonh de totes los collectius que trabalhan pel país, e de s’ajudar mutualament a créisser.
A l’ora d’ara lo Felibrige e Òc Bi an donat un acòrdi de principi positiu.
Lo burèu de la confederacion Calandreta, en seguissent lo mandat de l’amassada generala, crida a espandir totas las partidas compausantas de la coordinacion Anem Òc. Dins aquel sens declaran que l’avenidor de nòstra lenga e nòstra cultura a besonh de totes los collectius que trabalhan pel país, e de s’ajudar mutualament a créisser.
A l’ora d’ara lo Felibrige e Òc Bi an donat un acòrdi de principi positiu.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 MinjacEbas dab e barrada.
Plan ! Aquestes eveniments son importants praus Occitans. Occitania pòt encarar, e se moishar coma una fòrça sociau a man d'amainar detzènas de milèirs de personas. Es tanben l'escadença praus actors modèstes de l'occitan de sortir de lura contrada e de har cap end'autes parlaires e militants occitans.
Es vertadierament susprenent de legir un comunicat exterior de Calandreta (document pdf) claufit d'errors d'ortogràfia e de lenga a gaireben cada linha.
Susprenent òc, e inquietant per una institucion que vòl ensenhar la lenga.
Se los actors de Calandreta parlan aital, se caldrà pas estonar que los calandrons bretonegen lor occitan.
Bòna novèla !
Mas sus que pòrtan aquels desacòrdis debanats dins la coordinacion ...?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari