Bandièra01 1180x150: País Invisible

Actualitats

crotz-tolosaCreated with Sketch.LengadòcLengadòc BasMontpelhierenc

Agde: lo centre vila es a l’onor

Los calandrons de la Calandreta Dagdenca an menat a bon tèrme un projècte d’art al centre vila

Agde: lo centre vila es a l’onor
Agde: lo centre vila es a l’onor

Dins l’encastre del projècte pedagogic 2023 “Agde vila de bona fortuna”, los calandrons de l’escòla occitana, la Calandreta Dagtenca, causiguèron, dins lo centre vila, un vintenat de luòcs importants per l’istòria d’Agde.

Menats, coma l’an passat, per l’artista Joan-Carles Codèrc, los an illustrats, cadun amb sa sensibilitat, per ne faire una mòstra gaujosa e colorada que la MAG aculhiguèt long del mes de junh.

Ara, se poirà remirar los òbras expausadas, sus una tela en version exteriora, dins lo jardin Josèp Picheire, duscas al mes de setembre mas tanben d’un biais permanent, long d’una passejada materializada per de placas muralas que presentan aquelas illustracions. Enfin, mercé a la lectura amb lo telefonet del còde QR sus los panèls, los curioses trobaràn en occitan coma en francés totas las indicas per un percors modèrne e ludic del centre vila que se veirà completat per de descobèrtas novèlas.

La calandreta merceja sincèrament los partenaris nombroses qu’an permés la realizacion d’aquel projècte bèl, los calandrons e l’artista Joan-Carles Codèrc, a mai de totes los anonims qu’ajudèron a sa capitada.

Sèm totes a esperar qu’una tala animacion va atraire los dagdencs e los toristas en cèrca d’istòria e d’autenticitat, dins lo còr de la bèla vila d’Agde.

 

Plumeta

 

 


Jornalet a l'escòla

 

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article