Bandièra01 capçalera  1180x150: Novestivada

Actualitats

Agde: Sant Joan pòrta l’estiu

Aquela fèsta tradicionala se tenguèt divendres passat, çò rapòrta la Calandreta Dagdenca

Agde: Sant Joan pòrta l’estiu
Agde: Sant Joan pòrta l’estiu

La tradicion de la fèsta de Sant Joan foguèt mesa a l’onor, per sa 2a edicion, aqueste divendres 23 de junh, pels calandrons de l’escòla occitana, la Calandreta Dagtenca.

Long d’una deambulacion gaujosa ont se mesclavan a la musica del grop de La Farandòla biterrenca, las danças e los cants dels enfants mas tanben las sentors de las èrbas de la garriga, s’anonciava l’estiu.

Lo Cavalet manquèt pas la fèsta, vestit de sa novèla e vaporosa rauba “de fuòc” e s’animèt en rivalizar en colors amb la beutat de l’espectaclós solelh de Rosario Alarcon, prestat per l’escasença, qu’esperava lo public de parents e curioses sul plan de la Marina.

Acabat lo ritual, los calandrons afogats passèron la “pòrta de l’estiu” per sautar enfin per dessús lo fuòc de Sant Joan, un fuòc simbolic ongan, per causa de vent violent!

Mercé a la collaboracion del Comitat de las Fèstas e al partenariat amb lo Musèu Dagdenc qu’iniciava aital la programacion rica d’un 6n “estiu occitan”, lo duo Cazellòts menèt lo balèti, mesclant totas las generacions.

La Calandreta Dagdenca ten a mercejar totes los actors d’aquela fèsta polida, sens doblidar los servicis tecnics e los responsables de la sonorizacion e dels lums de la bèla vila d’Agde.

Bon estiu occitan a totes!

 

 

Plumeta

 

 


Jornalet a l'escòla

 

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article