Actualitats
Marselha aurà una calandreta a la rintrada de 2024
La tòca es d’anar fins al CM2 dins una escòla de quatre classas
Tèxte legit
Marselha aurà una escòla Calandreta a la rintrada de 2024. Lo cònsol màger Benoît Payan o anoncièt dins l’encastre de la fèsta de Sant Elòi, çò rapòrta Marsactu. “Començarem a la mairala: plan pichona seccion, pichona seccion, quitament mejana seccion. La tòca es d'anar fins al CM2 dins una escòla de quatre classas amb d’80 a 100 mistons a tèrme”, çò ditz Joan-Louis Blénet, copresident de la Federacion Calandreta.
L’ensenhament serà immersiu en provençal maritim e los escolans joves aprendràn las doas grafias de la lenga tradicionalament emplegadas en Provença, segon çò qu’a declarat, totjorn segon Marsactu, lo conselhièr municipal delegat a la cultura Christian Bosq.
Lo luòc d’implantacion lo deu prepausar la comuna.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari