Bandièra01 1180x150: País Invisible

Actualitats

Rodés: crida a se recampar lo 21 de julhet per far renàisser l’Estivada

Una jornada revendicativa e festiva a l’encòp cèrca de reviudar lo festenal que pòrta “una vision d’una cultura plurala d’avenidor”

Estivada 2012
Estivada 2012 | Guilhèm Sevilha

Tèxte legit

Lo collectiu Gardarem l’Estivada fa una crida a se recampar a Rodés lo divendres 21 de julhet dins una jornada revendicativa e festiva a l’encòp qu’a per tòca de far renàisser lo festenal interregional de las culturas occitanas. Lo collectiu se ditz convencut que l’Estivada pòrta “las valors umanistas que presam e una vision d'una cultura plurala d'avenidor”.

L’acamp se tendrà dins lo jardin public que pendent tant d’annadas aculhiguèt l’Estivada a partir de 14 oras jol programa seguent:

  • 14h: amassada generala constitutiva d’una associacion de prefiguracion dobèrta a totas las bonas volontats
  • 16h: afichatge en vila per anonciar lo forum ciutadan e festiu que l’organizaràn a Rodés en octòbre de 2023
  • 19h: picnic festiu e partejat al jardin public
  • 20h30: presas de paraula amb balèti en scèna dobèrta.

Per tal de facilitar l’organizacion d’aquel eveniment, lo collectiu prèga qu’òm anóncie sa participacion per e-mail a collectifgardaremlestivada@gmail.com o en vesitant la pagina Facebook del collectiu Gardarem l’Estivada.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jean-Charles Valadier La Selva de Segalar
1.

L'actual cònsol de Rodés es contra la cultura occitana. O l'Estivada se muda cap a una autra vila mejana acculhidora per espelir encara mai occitana e populara, o subreviu discretament a Rodés e participa a un cambiament per un cònsol occitanista en 2026 que vòl inscriure Rodés demest los grands festenals Europèus amb lol'Estivada coma grand festanal de la cultura occitana

  • 9
  • 1

Escriu un comentari sus aqueste article