En collaboracion amb Ràdio Occitània, Jornalet prepausa cada dimenge una entrevista àudio del podcast de la ràdio tolosana. Aquesta setmana, escotaretz sus las ondas l’entrevista de Cecila Chapduelh que presenta sa darrièra rejoncha de poesia entitolada Mina de plomb, mina de ren.

Après A chara o crotz (Edicions dau Chamin de Sent Jaume), Cecila Chapduelh se’n torna amb un recuèlh nòu entitolat Mina de plomb, mina de ren e publicat a las Edicions Jorn. La lectura va de lis e se detècta una ironia e un esperit critic que tomban just per cada tematica abordada… En soma, Cecila Chapduelh mestreja pro la poesia occitana per la se tornar petaçar a son biais e milita contra la ierarquizacion de las menas e de las lengas d’expression.