Actualitats
L’an de las abdicacions reialas
Albèrt II de Belgica cediguèt ièr lo tròn a son filh Felip, en la quatrena abdicacion monarquica de 2013
“Après vint ans de règne, cresi qu’es ora de passar la tesa a la generacion seguenta. Constati que lo prince Felip es plan preparat”, çò anoncièt per television Albèrt II de Belgica. La fin de son règne se concretizèt ièr amb l’abdicacion oficiala en favor del sieu ainat, lo prince Felip. L’abdicacion d’Albèrt II es una de las qualques abdicacions que i a agut ongan.
Lo 28 de genièr, per exemple, la reina Beatritz I dels Païses Basses renoncièt al tròn en favor del sieu filh Guilhèm-Alexandre, que venguèt rei lo 30 d’abril; lo 28 de febrièr, lo papa Beneset XVI protagonizèt una abdicacion istorica dins la sola monarquia absoluda d’Euròpa; e fa un mes, l’emir de Qatar, lo shèic Hamad Bin Khalifa Al Thani, anoncièt qu’abdicava pel sieu filh Tamim.
Las abdicacions son pas estranhas dins qualques monarquias europèas. Dins la quita monarquia bèlga, Albèrt II serà, a setanta nòu ans, lo segond monarca qu’o fa: en 1951 Leopòld III quitèt ja lo tròn per lo sieu filh Baudoïn, quand tornèt dins son país après la Segonda Guèrra Mondiala. Albèrt II venguèt rei en 1993 tre la mòrt del sieu fraire Baudoïn que trespassèt sens descendéncia.
Mas es dins la monarquia de Luxemborg e dels Païses Basses que i a mai de tradicion. Enric I, lo grand duc luxemborgés actual, accediguèt al tròn tre l’abdicacion de son paire Joan en octòbre de 2000. Aquel darrièr, del sieu costat, venguèt rei en novembre de 1964 quand sa maire la granda duquessa Carlòta abdiquèt en favor siá, e Carlòta aviá recebut la corona pr’amor del renonciament de sa sòr Maria-Adelaïda en 1919.
Dins lo cas dels Païses Basses, la reina Beatritz anoncièt en genièr l’abdicacion en favor del sieu filh Guilhèm-Alexandre, de quaranta cinc ans: “La responsabilitat sul nòstre país deu tocar a las nòvas generacions”, çò expliquèt dins un brèu discors televisat abans de far setanta cinc ans. Guilhèm-Alexandre venguèt lo nòu rei neerlandés lo 30 d’abril. La quita Beatritz èra arribada al tròn en 1980 quand sa maire, la reina Juliana I, abdiquèt mentre qu’aguèt setanta un ans. En 1948, ela meteissa aviá recebut la corona de sa maire, la reina Guilheumina.
Lo 28 de genièr, per exemple, la reina Beatritz I dels Païses Basses renoncièt al tròn en favor del sieu filh Guilhèm-Alexandre, que venguèt rei lo 30 d’abril; lo 28 de febrièr, lo papa Beneset XVI protagonizèt una abdicacion istorica dins la sola monarquia absoluda d’Euròpa; e fa un mes, l’emir de Qatar, lo shèic Hamad Bin Khalifa Al Thani, anoncièt qu’abdicava pel sieu filh Tamim.
Las abdicacions son pas estranhas dins qualques monarquias europèas. Dins la quita monarquia bèlga, Albèrt II serà, a setanta nòu ans, lo segond monarca qu’o fa: en 1951 Leopòld III quitèt ja lo tròn per lo sieu filh Baudoïn, quand tornèt dins son país après la Segonda Guèrra Mondiala. Albèrt II venguèt rei en 1993 tre la mòrt del sieu fraire Baudoïn que trespassèt sens descendéncia.
Mas es dins la monarquia de Luxemborg e dels Païses Basses que i a mai de tradicion. Enric I, lo grand duc luxemborgés actual, accediguèt al tròn tre l’abdicacion de son paire Joan en octòbre de 2000. Aquel darrièr, del sieu costat, venguèt rei en novembre de 1964 quand sa maire la granda duquessa Carlòta abdiquèt en favor siá, e Carlòta aviá recebut la corona pr’amor del renonciament de sa sòr Maria-Adelaïda en 1919.
Dins lo cas dels Païses Basses, la reina Beatritz anoncièt en genièr l’abdicacion en favor del sieu filh Guilhèm-Alexandre, de quaranta cinc ans: “La responsabilitat sul nòstre país deu tocar a las nòvas generacions”, çò expliquèt dins un brèu discors televisat abans de far setanta cinc ans. Guilhèm-Alexandre venguèt lo nòu rei neerlandés lo 30 d’abril. La quita Beatritz èra arribada al tròn en 1980 quand sa maire, la reina Juliana I, abdiquèt mentre qu’aguèt setanta un ans. En 1948, ela meteissa aviá recebut la corona de sa maire, la reina Guilheumina.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari